فيديو: إيجاد عدد طرق اختيار ن عنصر من م عنصر

كم مجموعة مكوّنة من ٣ بطاقات يمكن اختيارها من مجموعة بطاقات تتكوّن من ٥٢ بطاقة؟

٠١:٣٤

‏نسخة الفيديو النصية

كم مجموعة مكوّنة من تلات بطاقات يمكن اختيارها من مجموعة بطاقات تتكوّن من اتنين وخمسين بطاقة؟

لحل هذه المسألة … هذه المسألة إمّا أن تكون تباديل، وإمّا إنها تكون توافيق. الفرق بين التباديل والتوافيق، إن التباديل بتشترط الترتيب. أمّا التوافيق، فما فيش أهمية للترتيب. وفي المسألة اللي عندنا، هو ما ذكرش حاجة خالص عن الترتيب. مش هتفرق البطاقة الأولى، من التانية، من التالتة. المهم إنهم تلات بطاقات. وعشان كده، هنستخدم التوافيق.

عدد المجموعات هيساوي … إحنا عندنا العدد الكلي اتنين وخمسين بطاقة، يبقى اتنين وخمسين ق. وعدد البطاقات المطلوبة تلاتة، يبقى اتنين وخمسين ق تلاتة. هو ده اللي هيدّيني عدد المجموعات. وده هيساوي اتنين وخمسين ل تلاتة، على مضروب تلاتة. اتنين وخمسين ل تلاتة بيساوي مضروب اتنين وخمسين، على مضروب اتنين وخمسين ناقص تلاتة. اتنين وخمسين ناقص تلاتة، تسعة وأربعين. وده بيساوي مية اتنين وتلاتين ألف وستمية.

يبقى اتنين وخمسين ل تلاتة بيساوي مية اتنين وتلاتين ألف وستمية، مقسومة على مضروب تلاتة. وده بيساوي اتنين وعشرين ألف ومية. وبكده لو عندنا مجموعة بطاقات مكوّنة من اتنين وخمسين بطاقة، وعايز أختار منهم تلاتة، أقدر أختار تلات بطاقات باتنين وعشرين ألف ومية طريقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.