فيديو: إيجاد المساحة الكلية لسطح مكعب

أيُّ التعبيرات الآتية يُمثِّل مساحة السطح لمكعب طول ضلعه ﺏ؟ [أ] ٦ب^٣ [ب] ب^٣ [ج] ب^٢ [د] ٤ب^٢ [ﻫ] ٦ب^٢

٠١:٤٤

‏نسخة الفيديو النصية

أيُّ التعبيرات الآتية يمثّل مساحة السطح لمكعب طول ضلعه ب؟ عندنا خمس اختيارات؛ الاختيار الأول: ستة ب تكعيب. الاختيار التاني: ب تكعيب. والاختيار التالت: ب تربيع. والاختيار الرابع: أربعة ب تربيع. والاختيار الخامس: ستة ب تربيع.

هنرسم مكعب، ونشوف إزّاي نقدر نحسب مساحة سطح المكعب، بافتراض إن طول الضلع بتاع المكعب ده هو ب. عايزين نعرف الأول هي إيه مساحة السطح عمومًا لأيّ شكل ثلاثي الأبعاد. هي عبارة عن مجموع مساحات الأوجُه اللي بيتكوّن منها.

طب في الحالة اللي عندنا دي، لمّا يبقى الشكل مكعب. المكعب بيتكوّن من مجموعة من الأوجُه كلها على شكل مربع. يعني نقدر نجيب المساحة الكلية لسطح المكعب بإننا نوجد مساحة الوجه الواحد، ونضرب المساحة دي في عدد الأوجُه الكلية اللي بيتكوّن منها المكعب.

يبقى عشان نقدر نوجد التعبير اللي بيمثّل مساحة السطح للمكعب، هيبقى لازم نحسب مساحة الوجه، وعدد الأوجُه. طب زيّ ما اتفقنا إن الوجه عبارة عن مربع، ومساحة المربع عبارة عن طول الضلع في نفسه. يعني لو طول الضلع هنا ب، فمساحة الوجه الواحد هتبقى ب في ب، أو ب تربيع. يبقى دي مساحة الوجه. عايزين نضربها في عدد الأوجُه الكلية. هنعدّ الأوجُه كلها؛ واحد، اتنين، تلاتة، أربعة، خمسة، ستة. يبقى نقدر نقول: إن مساحة سطح المكعب هتبقى عبارة عن ستة ب تربيع.

ويبقى ستة ب تربيع هو ده التعبير اللي بيمثّل بالفعل مساحة سطح مكعب طول ضلعه ب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.