فيديو: فهم تأثير الانعكاس على شكل

أيٌّ مما يلي لا يوضِّح الانعكاس؟ [أ] الشكل أ [ب] الشكل ب [ج] الشكل ﺟ [د] الشكل د [ﻫ] الشكل ﻫ

٠٢:٣٦

‏نسخة الفيديو النصية

أيّ مما يلي لا يوضّح الانعكاس؟

عايزين نفتكر الأول إيه هو الانعكاس. الانعكاس عبارة عن تحويل هندسي بيقلب الشكل حوالين مستقيم بنسمّيه محور الانعكاس. فبتنتج له صورة كأنها صورة في المرآة. خلّينا نشوف دلوقتي كل اختيار من الاختيارات المتاحة عندنا، ويا ترى بينطبق عليه تعريف الانعكاس ولّا لأ.

هنلاحظ إن الاختيار الأول بالنسبة لمحور الانعكاس، لو شُفنا مثلًا النقطة دي في الشكل الأصلي، المفروض تبقى على نفس المسافة، بس في الاتجاه المقابل. تبقى هنا. وبالمثل النقطة دي، تبقى على نفس البعد، الصورة بتاعتها بالنسبة لمحور الانعكاس، بس في الاتجاه المقابل. وده غير حادث في الصورة اللي حصلنا عليها. وبالتالي فالشكل اللي عندنا الناتج ده لا يمثّل صورة للشكل الأصلي بالانعكاس على محور الانعكاس. فيبقى الشكل أ ده ما بيمثّلش حالة انعكاس.

خلّينا نشوف الشكل ب. هنبصّ، لو اعتبرنا إن الشكل الأصلي اللي هو ده، دي رؤوسه … خلّينا نبدأ ونشوف كل نقطة صورتها تبقى إزاي حوالين محور الانعكاس أو خطّ الانعكاس. دي أول نقطة. صورتها حوالين خطّ الانعكاس هتبقى النقطة دي. والنقطة اللي على محور الانعكاس بتفضل هي هي.

خلّينا نشوف النقطة التانية. صورتها حوالين محور الانعكاس هتبقى دي. والنقطة دي هتبقى هي كمان صورتها حوالين محور الانعكاس النقطة دي. كل النقط هنلاحظ إن صورتها بتبقى على الاتجاه المقابل لمحور الانعكاس وعلى مسافة مساوية. أمّا النقط المنطبقة على محور الانعكاس فبتفضل صورتها هي هي. وبالتالي فالشكل ب ده بيمثّل أحد حالات الانعكاس.

بنفس الطريقة، لو بصّينا للشكل ج هنلاقي إنه واضح إنه تحويل هندسي قلب الشكل حوالين مستقيم، اللي هو خطّ الانعكاس. فنتجت عنه صورة للشكل كأنها صورة في المرآة. وبنفس الطريقة، الشكل د نفس الكلام. حصل انعكاس حوالين خطّ الانعكاس الرأسي ده، فنتج صورة للشكل كأنها صورة في المرآة. وبالمثل في الشكل هـ، برضو بينطبق عليه تعريف الانعكاس.

يبقى الشكل الوحيد اللي ما يعتبرش أحد حالات انعكاس هو الشكل رقم أ الموضّح ده.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.