فيديو: امتحان الديناميكا • ٢٠١٧/٢٠١٦ • السؤال الثاني عشر

امتحان الديناميكا • ٢٠١٧/٢٠١٦ • السؤال الثاني عشر

٠٤:٣٦

‏نسخة الفيديو النصية

تحرّكت كرتان ملساوان كتلتاهما مائة جرام، وخمسون جرام؛ في خطٍّ مستقيم على مستوًى أملس في اتجاهين متضادين. تصادمت الكرتان عندما كانت سرعة الكرة الأولى خمسون سنتيمترًا لكل ثانية، وسرعة الكرة الثانية ثلاثون سنتيمترًا لكل ثانية. ارتدّت الكرة الثانية بعد التصادم مباشرةً بسرعة أربعين سنتيمترًا لكل ثانية. أوجد سرعة الكرة الأولى بعد التصادم مباشرةً، ثم أوجد مقدار دفع أيٍّ من الكرتين على الأخرى.

بالنظر للمثال هنلاقي إن كتلة الكرة الأولى كانت مية جرام، وسرعتها قبل التصادم كانت خمسين سنتيمتر لكل ثانية. أمّا الكرة التانية فكتلتها خمسين جرام، وسرعتها قبل التصادم كانت تلاتين سنتيمتر لكل ثانية.

وبما إن الكرتين كانوا بيتحرّكوا على مستوى أملس في اتجاهين متضادين. ففي الحالة دي نقدر نعتبر إن اتّجاه حركة الكرة الأولى هو الاتِّجاه الموجب. وبالتالي نقدر نقول إن ع اتنين بتساوي سالب تلاتين سنتيمتر لكل ثانية.

برضو بالنظر في المثال هنلاقي إن الكرة التانية ارتدّت بعد التصادم مباشرةً بسرعة أربعين سنتيمتر لكل ثانية. وبما إنها ارتدّت، فده معناه إن اتجاه حركتها الحالي هيكون عكس اتجاهها الأول. ففي الحالة دي هيكون اتجاه حركتها في نفس اتجاه حركة الكرة الأولى قبل التصادم. وبالتالي ع اتنين شرطة هتساوي أربعين سنتيمتر لكل ثانية.

حسب قانون التصادم فمجموع كميتَي الحركة قبل التصادم، هيساوي مجموع كميتَي الحركة بعد التصادم. فإذا كانت كمية الحركة بتساوي الكتلة في السرعة. فهتبقى كتلة الكرة الأولى في سرعتها قبل التصادم، زائد كتلة الكرة التانية في سرعتها قبل التصادم. بيساوي كتلة الكرة الأولى في سرعتها بعد التصادم، زائد كتلة الكرة التانية في سرعتها بعد التصادم.

وبالتعويض بالقيم المعطاة؛ هيبقى مية في خمسين، زائد خمسين في سالب تلاتين. بيساوي مية في ع واحد شرطة، زائد خمسين في أربعين. وبإجراء العمليات هيبقى خمسة آلاف ناقص ألف وخمسمية، بيساوي مية في ع واحد شرطة زائد ألفين. يعني تلات آلاف وخمسمية بيساوي مية ع واحد شرطة، زائد ألفين. وبطرح ألفين من الطرفين، هيبقى ألف وخمسمية بيساوي مية ع واحد شرطة.

وبقسمة الطرفين على مية؛ هتبقى ع واحد شرطة، اللي هي سرعة الكرة الأولى بعد التصادم، بتساوي ألف وخمسمية على مية. يعني هتساوي بعد التبسيط خمستاشر سنتيمتر لكل ثانية. وبما إن السرعة موجبة، فده معناه إن اتجاهها بعد التصادم كان في نفس اتجاهها قبل التصادم. وبكده نبقى حلّينا المطلوب الأول.

المطلوب التاني إننا نوجد مقدار دفع أيٍّ من الكرتين على الأخرى. ولْيكُن دفع الكرة الأولى على الكرة الثانية.

دفع الكرة الأولى على الثانية بيساوي التغيّر في كمية حركة الكرة الثانية. ده معناه إن الدفع في الحالة دي هيساوي كتلة الكرة الثانية، في الفرق بين سرعتها بعد التصادم وسرعتها قبل التصادم.

وده هيساوي كتلة الكرة الثانية، اللي هي خمسين جرام. مضروبة في سرعتها بعد التصادم، اللي هي أربعين سنتيمتر لكل ثانية. ناقص سرعة الكرة التانية قبل التصادم، اللي هي سالب تلاتين سنتيمتر لكل ثانية. ده هيساوي خمسين في سبعين، يعني هيساوي تلات آلاف وخمسمية.

يبقى مقدار دفع الكرة الأولى على الكرة الثانية بيساوي تلات آلاف وخمسمية جرام في السنتيمتر لكل ثانية. وبكده نبقى حلّينا المطلوب التاني.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.