فيديو: خواص الأشكال الرباعية

اذكر شكلين رباعيين تكون الأضلاع الأربعة في كلٍّ منها متساوية في الطول.

٠١:٣١

‏نسخة الفيديو النصية

اذكر شكلين رباعيين تكون الأضلاع الأربعة في كلٍّ منها متساوية في الطول.

قدامنا دلوقتي مجموعة مختلفة من الأشكال الرباعية. عندنا متوازي أضلاع، وشبه منحرف، ومربع، ومستطيل، ومعيّن. كلهم أشكال رباعية، يعني بتتكوّن من أربع أضلاع. بس يا ترى من بين الأشكال دي، إيه الشكل اللي لازم تكون أضلاعه الأربعة متساوية؟

في متوازي الأضلاع كل ضلعين متقابلين، متساويين، بس مش الأربع أضلاع متساوية. أمّا في شبه المنحرف، فما فيش أيّ شرط بيقيّد أطوال الأضلاع. المربع فيُشترط إنه تبقى فيه الأربع أضلاع أطوالها متساوية. يبقى أول شكل بيحقّق المطلوب مننا، هو المربع.

أما بالنسبة للمستطيل، فهو عامل زيّ متوازي الأضلاع؛ كل ضلعين متقابلين، بيبقوا متساويين في الطول، بس مش الأربع أضلاع متساوية. أمّا المعيّن، فيشترط إن الأربع أضلاع بتوعه يبقوا متساويين في الطول. يبقى الشكل التاني اللي بيحقّق الطلب اللي مطلوب مننا في السؤال، إن الأربع أضلاع يكونوا متساويين، هو المعيّن.

يبقى إجابة السؤال هتبقى: المربع والمعيّن. هم دول الشكلين الرباعيين اللي لازم تكون أضلاعهم الأربعة متساوية في الطول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.