فيديو: إيجاد سيقان مخطط الساق والورقة في مجموعة بيانات

اكتب السيقان، مُرتَّبةً ترتيبًا تصاعديًّا، لمخطَّط الساق والورقة الإحصائي لمجموعة البيانات التالية: ٢، ٢٩، ٦٥، ٣١، ٩٣.

٠٢:٠٢

‏نسخة الفيديو النصية

اكتب السيقان مرتَّبة ترتيبًا تصاعديًّا لمخطط الساق والورقة الإحصائي لمجموعة البيانات التالية: اتنين، تسعة وعشرين، خمسة وستين، واحد وتلاتين، تلاتة وتسعين.

في البداية محتاجين نعرَّف إيه هو مخطط الساق والأوراق، مخطط الساق والأوراق يوضِّح عدد المرات التي تتكرر فيها كل قيمة من قيم البيانات، كما يساعد على تنظيم هذه البيانات تصاعديًّا وتنازليًّا، كل قيمة من البيانات بتُقسَّم إلى ساق وورقة، فإذا كانت القيمة من رقمين زي مثلًا تسعة وعشرين، هنلاحظ إنه الرقم تسعة بيمثل آحاد والرقم اتنين بيمثل العشرات، وبالتالي الرقم تسعة هيمثل ورقة والرقم اتنين هيمثل ساق.

عشان نقدر نكتب السيقان مرتَّبة ترتيبًا تصاعديًّا، هنرسم الجدول التالي وهنفصِل فيه الأوراق عن السيقان؛ يعني الآحاد عن العشرات، أول عدد في البيانات بيتكون من اتنين، يعني الأوراق اتنين والسيقان صفر لأن ما فيش عشرات، تاني عدد تسعة وعشرين، يعني الأوراق تسعة والسيقان اتنين، تالت عدد خمسة وستين، يعني الأوراق خمسة والسيقان ستة، تالت [رابع] عدد واحد وتلاتين، يعني الأوراق واحد والسيقان تلاتة، وآخر عدد تلاتة وتسعين، يعني الأوراق تلاتة والسيقان تسعة.

مطلوب في السؤال إني أرتِّب السيقان ترتيبًا تصاعديًّا يعني من الأصغر إلى الأكبر، هنلاحظ إنه الأرقام في السيقان هي: صفر، واتنين، وستة، وتلاتة، وتسعة؛ يعني أقدر أقول إنه السيقان مرتَّبة ترتيبًا تصاعديًّا، هنبتدي بصفر لأنه أصغر رقم، وبعدين اتنين، وبعدين تلاتة، وبعدين ستة، وبعدين تسعة، وهو ده الترتيب التصاعدي للسيقان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.