فيديو: خواص متوازي الأضلاع والمعين

ما اسم متوازي الأضلاع الذي فيه ضلعان متجاوران متساويان في الطول؟

٠١:٥٧

‏نسخة الفيديو النصية

ما اسم متوازي الأضلاع، الذي فيه ضلعان متجاوران متساويان في الطول؟

في الأول محتاجين نفتكر إيه هو متوازي الأضلاع. متوازي الأضلاع عبارة عن شكل رباعي، فيه كل ضلعين متقابلين متوازيان ومتساويان في الطول. يعني في شكل متوازي الأضلاع اللي هنا، هنلاقي إن الضلع ده والضلع المقابل ليه، عبارة عن ضلعان متوازيان ومتساويان في الطول. ونفس الكلام هنلاقيه في الضلعين التانيين. يعني الضلع ده والضلع المقابل ليه، ضلعين متوازيين ومتساويين في الطول.

دلوقتي عاوزين نعرف إيه هو الشكل، اللي عبارة عن متوازي أضلاع فيه ضلعان متجاوران متساويان في الطول. يعني لو قلنا إن الضلع ده والضلع المجاور ليه، فرضًا الضلع ده، كانوا متساويين في الطول، زي كده … إحنا هنا رسمنا ضلعين متجاورين ومتساويين في الطول. واتفقنا إن من خواصّ متوازي الأضلاع، إن كل ضلعين متقابلين متساويين في الطول. يعني الضلع اللي بالأسود ده، هو والضلع المقابل ليه، متساويين في الطول. والضلع اللي بالأخضر هنا، هو والضلع المقابل ليه، متساويين في الطول.

يعني نقدر نستنتج من هنا، إن الضلع اللي بالأسود ده بيساوي الضلع المقابل ليه. وده معناه إن التلات أضلاع دول متساويين. وبالمثل نقدر نقول إن الضلع ده، هو والضلع المقابل ليه، متساويين في الطول. وبكده قدرنا نستنتج إن الشكل ده عبارة عن متوازي أضلاع، أضلاعه الأربعة متساوية في الطول. وده هيكون تعريف المعيّن. المعيّن عبارة عن متوازي أضلاع، أضلاعه الأربعة متساوية في الطول. وبكده هتكون إجابة السؤال: المعيّن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.