فيديو: إيجاد محيط المربع والمستطيل بمعلومية أبعادهما

قطعة أرض مستطيلة بُعداها ٦٨ م، ٤٣ م محاطة بسياج. تحتوي قطعة الأرض على ملعب مربع الشكل طول ضلعه ١٣ م محاط أيضًا بسياج. أوجد طول السياج الذي يحيط بقطعة الأرض والملعب.

٠١:٤٩

‏نسخة الفيديو النصية

قطعة أرض مستطيلة بُعداها تمنية وستين متر وتلاتة وأربعين متر مُحاطة بسياج. تحتوي قطعة الأرض على ملعب مربع الشكل طول ضلعه تلتاشر متر مُحاط أيضًا بسياج. أوجد طول السياج الذي يحيط بقطعة الأرض والملعب.

عشان نجيب الطول الكلّي للسياج اللي بيحيط قطعة الأرض والملعب، هنجيب طول السياج اللي بيحيط قطعة الأرض المستطيلة، يعني محيط المستطيل. وهنجمع عليه طول السياج اللي بيحيط الملعب المربع. يعني أقدر أقول: عشان أجيب طول سياج قطعة الأرض المستطيلة، هجيب محيط المستطيل.

قانون محيط المستطيل هيساوي اتنين في، الطول زائد العرض. هنعوّض في القانون، يعني هيساوي اتنين … الطول بتمنية وستين زائد العرض تلاتة وأربعين. باستخدام الآلة الحاسبة هيساوي ميتين اتنين وعشرين متر.

بعد كده هنحسب طول سياج الملعب اللي هو هيساوي محيط الملعب المربع. قانون محيط الملعب المربع هيساوي أربعة في طول الضلع. هنعوّض في القانون عن طول الضلع بتلتاشر، يعني هيساوي أربعة في تلتاشر. باستخدام الآلة الحاسبة هيساوي اتنين وخمسين متر. وبكده عشان أجيب طول السياج الكلّي، هجمع طول سياج قطعة الأرض اللي هو ميتين اتنين وعشرين متر زائد طول سياج الملعب اللي هو اتنين وخمسين متر. يعني هيساوي ميتين أربعة وسبعين متر.

وبكده هنكون جِبنا طول السياج اللي بيحيط بقطعة الأرض والملعب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.