فيديو: إيجاد حجم متوازي المستطيلات في سياق واقعي

عُلبة عصير على شكل متوازي مستطيلات ارتفاعه ١٢ سم وقاعدته على شكل مربع طول ضلعه ٥ سم. ما حجم العصير اللازم لمَلْء العُلبة؟

٠١:٤٥

‏نسخة الفيديو النصية

علبة عصير على شكل متوازي مستطيلات ارتفاعه اتناشر سنتيمتر، وقاعدته على شكل مربع طول ضلعه خمسة سنتيمتر. ما حجم العصير اللازم لملء العلبة؟

يعني معطى عندنا إن فيه علبة عصير على شكل متوازي مستطيلات، وقاعدته على شكل مربع. يعني معنى كده إن جميع أضلاع القاعدة متساوية في الطول. ومعطى عندنا إن طول ضلع القاعدة خمسة سنتيمتر. ومعطى عندنا في السؤال إن ارتفاع علبة العصير اتناشر سنتيمتر. والمطلوب مننا في السؤال إننا نوجد حجم العصير اللازم لملء العلبة.

وحجم العصير اللي هيملا العلبة هيبقى هو في نفس الوقت حجم متوازي المستطيلات. وخلّينا نفتكر إن حجم متوازي المستطيلات هو حاصل ضرب طوله في عرضه في ارتفاعه. لكن بما إن معطى عندنا إن قاعدة متوازي المستطيلات على شكل مربع، فبالتالي هيبقى الطول بيساوي العرض، واللي بيساوي خمسة سنتيمتر. فهنعوّض عن الطول بخمسة، وهنعوض عن العرض بخمسة. وأمَّا الارتفاع، فهنعوّض عنه باتناشر، اللي معطاة عندنا في السؤال.

بعد كده هنوجد حاصل ضرب خمسة في خمسة في اتناشر. فلمّا نحسبها هتبقى بتساوي تلتمية. وبما إننا بنوجد حجم، فهتبقى الوحدة سنتيمتر مكعب. وبالتالي هيبقى حجم متوازي المستطيلات بيساوي تلتمية سنتيمتر مكعب. وفي نفس الوقت هيبقى هو حجم العصير اللازم لملء العلبة.

وبالتالي هتبقى إجابة السؤال هي: تلتمية سنتيمتر مكعب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.