فيديو: إيجاد قياس زاوية بمعلومية قياس الزاوية المقابلة لها بالرأس

من الشكل الموضح، أوجد ق∠ﺃﻫﺟ.

٠٢:٣٤

‏نسخة الفيديو النصية

من الشكل الموضح، أوجد قياس الزاوية أ ﻫ ﺟ.

ومعطى عندنا الشكل اللي قدامنا ده، وعندنا قياس الزاوية ب و م معطى باتنين وخمسين درجة، والمطلوب إننا نوجد قياس الزاوية أ ﻫ ﺟ؛ يعني قياس الزاوية دي.

وهنلاحظ من الشكل إن المستقيم ﺟ د بيوازي الشعاع و م، وهم الاتنين ليهم نفس القاطع اللي هو المستقيم أ ب؛ فمعنى كده إن الزاويتين د ﻫ و، وَ م و ب بيكوّنوا زاويتين متناظرتين. وبما إن هم على نفس الجهة من القاطع، فبالتالي هيبقى ليهم القياس نفسه؛ فمعنى كده إن قياس الزاوية د ﻫ و تساوي قياس الزاوية م و ب. ومعطى عندنا إن قياس الزاوية م و ب بتساوي اتنين وخمسين درجة، فبالتالي هيبقى برضو قياس الزاوية د ﻫ و بتساوي اتنين وخمسين درجة.

لكن المطلوب في السؤال إننا نوجد قياس الزاوية أ ﻫ ﺟ، اللي هي الزاوية دي. فهنلاحظ إن الزاوية أ ﻫ ﺟ، والزاوية د ﻫ و، هم زاويتين متقابلتين بالرأس؛ لأن المستقيمين أ ب، وَ ﺟ د متقاطعين، فبيشكّلوا زوجين من الزوايا المتقابلة بالرأس.

وخلينا نفتكر إن الزوايا المتقابلة بالرأس بيبقى ليها القياس نفسه؛ فمعنى كده إن قياس الزاوية أ ﻫ ﺟ هيبقي بيساوي قياس الزاوية د ﻫ و. وبما إننا أوجدنا قياس الزاوية د ﻫ و، واللي بتساوي اتنين وخمسين درجة، فبالتالي هيبقى قياس الزاوية أ ﻫ ﺟ بيساوي اتنين وخمسين درجة.

وقدرنا نوجد قياس الزاوية في الأول عن طريق إيجاد قياس الزاوية د ﻫ و؛ لوجود تناظُر بينها وبين الزاوية م و ب. بعد كده قدرنا نوجد قياس الزاوية أ ﻫ ﺟ بمعلومية قياس الزاوية المقابلة ليها بالرأس؛ لأن الزاويتين أ ﻫ ﺟ، وَ د ﻫ و زاويتين متقابلتين بالرأس، واستخدمنا المعلومة دي علشان نوجد قياس الزاوية أ ﻫ ﺟ، واللي بتساوي اتنين وخمسين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.