تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول القوس الأصغر في دائرة بمعلومية زاويته المركزية ونصف قطر الدائرة

سوزان فائق

إذا كان ﺃﻡ = ١١ سم، فأوجد لأقرب عدد صحيح طول القوس ﺃﺏﺟ.

٠٢:٠٣

‏نسخة الفيديو النصية

إذا كان أ م بيساوي حداشر سنتيمتر، فاوجد لأقرب عدد صحيح طول القوس أ ب ج. طول القوس في الدايرة بيساوي قياس القوس على قياس الدائرة في محيط الدائرة؛ حيث أن قياس القوس بيساوي قياس الزاوية المركزية المقابلة له، وقياس الدائرة بيساوي تلتمية وستين درجة، ومحيط الدايرة بيساوي اتنين 𝜋 نق؛ حيث نق هي نصف قطر الدائرة.

في المثال أ م بيساوي حداشر سنتيمتر، يعني نصف قطر الدايرة بيساوي حداشر سنتيمتر. وَ أ م نصف قطر، وَ م ج هو كمان نصف قطر؛ يبقى المثلث أ م ج ده مثلث متساوي الساقين، يبقى قياس الزاوية م ج أ هيساوي قياس الزاوية م أ ج فهتساوي اتنين وأربعين درجة.

وبما أن مجموع الزوايا الداخلية للمثلث بتساوي مية وتمانين درجة، فنقدر نوجد قياس الزاوية م؛ حيث أن الزاوية م دي هي الزاوية المركزية اللي بتساوي قياس القوس؛ يبقى قياس الزاوية م هيساوي مية وتمانين درجة ناقص قياس الزاوية أ اللي هو اتنين وأربعين درجة وقياس الزاوية ج اتنين وأربعين درجة، دول هنطرحهم من المية وتمانين؛ إذن قياس الزاوية م هيساوي ستة وتسعين درجة.

هنعوّض في قانون طول القوس عشان نوجد طول القوس أ ب ج، يبقى طول القوس هيساوي ستة وتسعين على التلتمية وستين مضروبين في اتنين 𝜋 نق، اللي هو طوله حداشر سنتيمتر، هيساوي تقريبًا تمنتاشر سنتيمتر؛ وهو ده قيمة طول القوس أ ب ج المطلوبة.