فيديو: إيجاد العدد الأقل بواحد من ضعف عدد معلوم كإستراتيجية للجمع‎

لاحظ أن العدد ٣ يقل بمقدار واحد عن العدد ٤. إذن، ناتج ٤ + ٣ يقل بمقدار واحد عن ناتج ٤ + ٤. إذا كان ٤ + ٤ = ٨، فأيٌّ من التالي يساوي ٤ + ٣؟ [أ] ٤ + ٨ [ب] ٤ + ٤ [ج] ٨ − ١

٠٢:٠٩

‏نسخة الفيديو النصية

لاحظ أن العدد تلاتة يقل بمقدار واحد عن العدد أربعة. يعني أربعة لو شِلنا منها واحد، هيتبقى لنا تلاتة بس؛ معنى كده إن تلاتة أقل من الأربعة بمقدار واحد. إذن ناتج أربعة زائد تلاتة، يقل بمقدار واحد عن ناتج أربعة زائد أربعة.

مش إحنا قلنا إن التلاتة بتقل بمقدار واحد عن الأربعة؟ طيب يبقى التلاتة اللي هنا بتقل بمقدار واحد عن الأربعة اللي هنا. يعني امّا نيجي نقول أربعة زائد تلاتة كلها، هتقل بمقدار الواحد عن أربعة زائد أربعة.

طيب لو قال لنا بقى: إذا كان أربعة زائد أربعة تساوي تمنية. أربعة زائد أربعة اللي هو الجزء ده بيساوي تمنية. وإحنا قلنا الجزء ده بيقل عنه بمقدار واحد. فأيّ مِن التالي يساوي أربعة زائد تلاتة؟ إحنا كده قلنا إن أربعة زائد أربعة بتمنية. عايزين نعرف أربعة زائد تلاتة بقى تساوي إيه؟ مش هي بتقل عن أربعة زائد أربعة بمقدار واحد؟ طيب. هو أربعة زائد أربعة بكام؟ بتمنية. تعالوا كده نقلّل منها واحد. يبقى ننقّص واحد، يبقى أربعة زائد تلاتة بتساوي تمنية ناقص واحد.

طيب تعالوا بقى كده نشوف الاختيارات؛ عندنا الاختيار الأول أربعة زائد التمنية، مش هو اللي صح. الاختيار التاني؛ أربعة زائد أربعة، برضو مش هو اللي صح. الاختيار التالت؛ تمنية ناقص واحد، هو ده الاختيار الصح.

يبقى تاني إحنا جينا في الأول، وقلنا إن التلاتة بتقلّ عن الأربعة بمقدار واحد، أهو. وبعدين قال لنا أربعة زائد تلاتة، بتقل عن أربعة زائد أربعة بمقدار واحد. وقال لنا إن أربعة زائد أربعة تساوي تمنية. يبقى أربعة زائد تلاتة بتساوي إيه؟ تمنية ناقص واحد؛ لأنها بتقل عن التمنية بمقدار واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.