فيديو: استخدام أحجار الدومينو لتحليل الأعداد بأكثر من طريقة

يوجد نفس عدد النقاط في حجري الدومينو الموضَّحين. أوجد حجر الدومينو الذي يوجد به نفس عدد النقاط الموجودة في حجر الدومينو الموضَّح.

٠٢:٢٩

‏نسخة الفيديو النصية

يوجد نفس عدد النقاط في حَجَرَي الدومينو الموضحَين. أوجد حجر الدومينو الذي يوجد به نفس عدد النقاط الموجودة في حجر الدومينو الموضّح.

هنبصّ على أول اتنين من حجر الدومينو اللي فوق دول، نشوف عدد النقط اللي فيهم، هنعدّ مع بعض: واحد، اتنين، تلاتة، أربعة، خمسة؛ يبقى أول قطعة دي فيها خمس نقاط. بعد كده نعدّ النقاط اللي في التانية، هنلاقي: واحد، اتنين، تلاتة، أربعة، خمسة؛ القطعة التانية هي كمان فيها خمس نقاط، عشان كده عدد النقاط اللي في قطعتَي الدومينو اللي عندنا دول متساويين.

طب دلوقتي مطلوب مننا من بين الاختيارات الخمسة دول، نشوف أيّ حجر من أحجار الدومينو فيهم، هو اللي فيه نفس عدد النقاط اللي في الشكل الموضّح ده. هنعدّ عدد النقاط اللي في الشكل ده الأول: واحد، اتنين، تلاتة، أربعة، خمسة، ستة، سبعة؛ كده الشكل ده فيه سبع نقاط، عايزين نشوف أيّ واحد بقى من الاختيارات دول هو كمان فيه سبع نقاط.

هنبتدي نعدّ النقاط اللي في كل واحد من قطع الدومينو اللي موجودة في الاختيارات، هنبتدي نعدّ: واحد، اتنين، تلاتة، أربعة، خمسة، ستة، سبعة؛ يبقى قطعة الدومينو رقم واحد فيها سبع نقاط.

نبتدي نعدّ عدد النقاط اللي في القطعة رقم اتنين: واحد، اتنين، تلاتة، أربعة، خمسة، ستة؛ يبقى القطعة رقم اتنين فيها ست نقاط.

دلوقتي هنشوف عدد النقاط اللي في القطعة رقم تلاتة: واحد، اتنين، تلاتة، أربعة، خمسة، ستة؛ يبقى القطعة رقم تلاتة هي كمان فيها ست نقاط.

نشوف دلوقتي عدد النقاط اللي على القطعة رقم أربعة: واحد، اتنين، تلاتة، أربعة، خمسة، ستة، سبعة، تمنية؛ القطعة دي كده عليها تمن نقاط.

هنعدّ النقاط اللي على القطعة رقم خمسة: واحد، اتنين، تلاتة، أربعة، خمسة، ستة، سبعة، تمنية؛ يبقى رقم خمسة عليها تمن نقاط. يبقى كده أي عدد من النقاط اللي موجودين دول، هو نفسه نفس عدد النقاط اللي في قطعة الدومينو اللي فوق؟ هنلاقي إن الاختيار رقم واحد هو ده اللي بيمثل قطعة الدومينو اللي عليها نفس عدد النقاط اللي موجودة في الشكل الموضّح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.