فيديو: إيجاد قياس زاوية في مثلث متساوي الساقين بمعلومية قياس زاوية رأسه

في ∆ﺃﺏﺟ، إذا كان ﺃﺏ = ﺃﺟ، ق∠ﺃ = ٥٢°‎، فأوجد ق∠ﺏ.

٠١:٥٤

‏نسخة الفيديو النصية

في المثلث أ ب ج. إذا كان أ ب يساوي أ ج، وقياس الزاوية أ يساوي اتنين وخمسين درجة؛ فاوجد قياس الزاوية ب.

هنرسم رسم تقريبي للمثلث. ونعرف في المثلث ده إن أ ب بيساوي أ ج، يبقى ده مثلث متساوي الساقين. وفي المثلث المتساوي الساقين، الزاويتين اللي بيقابلوا الضلعين المتساويين، بيكونوا أيضًا زاويتين متساويتين في القياس. يعني الزاوية ج هتساوي الزاوية ب. لأن الزاوية ج هي الزاوية اللي بتقابل أ ب، والزاوية ب هي الزاوية اللي بتقابل أ ج. ودي نظرية.

قياس الزاوية أ بيساوي اتنين وخمسين درجة، وده معطى. عايزين نجيب قياس الزاوية ب. مجموع قياسات الزوايا الداخلية لأيّ مثلث، بتساوي مية وتمانين درجة. يعني معنى كده إن قياس الزاوية أ، زائد قياس الزاوية ب، زائد قياس الزاوية ج؛ مجموعهم بيساوي مية وتمانين درجة. قياس الزاوية أ معطى ده بيساوي اتنين وخمسين درجة. زائد … قياس الزاوية ب مجهول ما نعرفوش. هنفترض إن هو س. لكن نعرف إن قياس الزاوية ج بيساوي قياس الزاوية ب. يعني قياس الزاوية ج كمان هيساوي س. وده بيساوي مية وتمانين درجة مجموعهم.

هنضيف سالب اتنين وخمسين للطرفين. هيبقى س زائد س بيساوي مية وتمانين ناقص اتنين وخمسين. س زائد س بيساوي اتنين س. اتنين س هيساوي مية وتمانين ناقص اتنين وخمسين. وده بيساوي مية تمنية وعشرين درجة. هنقسم الطرفين على اتنين، هيبقى س بيساوي أربعة وستين درجة. وهيبقى قياس الزاوية ب بيساوي أربعة وستين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.