فيديو: إكمال جدول القِيَم المدخلة والمخرجة بمعلومية قاعدة العلاقة

أكمل جدول المُدخلات والمُخرجات، علمًا بأن القاعدة هي إضافة ٤.

٠١:٣٠

‏نسخة الفيديو النصية

أكمل جدول المُدخلات والمُخرجات، علمًا بأن القاعدة هي إضافة أربعة.

ومعطى عندنا الجدول اللي في الشكل، وعايزين نكمّله. ومعطى عندنا في السؤال إن القاعدة هي إضافة أربعة. فمعنى كده إن المُخرجات، واللي هي هنرمز لها بالرمز ص، بتساوي المُدخلات بعد ما نضيف عليها أربعة. فهنرمز للمُدخلات بالرمز س، فهتبقى القاعدة هي: ص بتساوي س زائد أربعة.

فهنلاحظ عندنا من الجدول إنه قيم المُدخلات هي: واحد، واتنين، وتلاتة. يعني لو جينا عند أول واحدة، وعوّضنا عن س بواحد، فهتبقى ص بتساوي واحد زائد أربعة، واللي هتساوي خمسة. فبالتالي لمّا هنيجي نكتب هنا عند المُخرجات، هيبقى جنب واحد هنكتب خمسة.

وبنفس الطريقة لو عوّضنا عن قيمة س باتنين، فهيبقى ص بتساوي اتنين زائد أربعة، واللي هتساوي ستة. يبقى هنيجي عند الجدول عند خانة المُخرجات، اللي هي جنب اتنين، وهنكتب ستة.

وآخر خانة في الجدول، اللي هي عند القيمة المُدخلة بتلاتة. يبقى هنعوّض عن س بتلاتة، فهتبقى المعادلة هي ص بتساوي تلاتة زائد أربعة، واللي هتساوي سبعة. فمعنى كده إننا هنيجي عند الجدول، وهنكتب هنا سبعة.

وبالتالي يبقى إحنا كده كمّلنا جدول المُدخلات والمُخرجات، عن طريق إضافة أربعة للمُدخلات. وبالتالي هتبقى القيم اللي هنكتبها مكان النقط هي: خمسة، وستة، وسبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.