فيديو: مقارنة مقدارَي طرح

هل المقداران متساويان؟ ١٤ − ٨، ١٢ − ٦.

٠١:٥٩

‏نسخة الفيديو النصية

هل المقداران متساويان؟ أربعتاشر ناقص تمنية. اتناشر ناقص ستة.

معطى في السؤال مقداران؛ وهم: أربعتاشر ناقص تمنية، واتناشر ناقص ستة. ومطلوب نعرف إذا كان المقداران متساويان أم لا. هنفكّر إزاي؟ عشان أقدر أقارن المقداران، هحسب قيمة المقدار الأولاني، وبعدين هحسب قيمة المقدار التاني. وهشوف هل المقداران متساويان أم لا.

المقدار الأولاني أربعتاشر ناقص تمنية. عشان أحسب أربعتاشر ناقص تمنية، هكتب أربعتاشر، وتحتيها تمنية؛ تحت الأربعة. هبتدي بطرح أربعة ناقص تمنية، مش هينفع. هنستلف واحد من خانة العشرات، فالواحد هتبقى صفر، والأربعة هتبقى أربعتاشر. أربعتاشر ناقص تمنية، هيساوي ستة. وبكده قيمة المقدار الأولاني هي ستة.

المقدار التاني اتناشر ناقص ستة هيساوي … هبتدي بعملية الطرح. هكتب اتناشر، وهكتب ستة تحت الاتنين، وأبتدي من الآحاد. اتنين ناقص ستة، مش هينفع. هنستلف واحد من خانة العشرات، الواحد هتبقى صفر، والاتنين هتبقى اتناشر. اتناشر ناقص ستة هيساوي ستة. وبكده قيمة المقدار التاني هتساوي ستة.

يعني أقدر أقول إنه أربعتاشر ناقص تمنية، هتساوي اتناشر ناقص ستة. وبكده أقدر أقول إنه الإجابة نعم؛ المقداران متساويان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.