فيديو: استخدام حساب المثلثات للمثلث قائم الزاوية لحل المسائل الكلامية التي تتضمن زاويا الارتفاع

ارتفاع منارة ٦٠ مترًا، وزاويتا الارتفاع بين سفينتين في البحر وقمة المنارة ٢٩°، ٣٩° على الترتيب. أوجد المسافة بين السفينتين لأقرب متر.

٠٢:٢٢

‏نسخة الفيديو النصية

ارتفاع منارة ستون مترًا، وزاويتا الارتفاع بين سفينتين في البحر وقمة المنارة تسعة وعشرين درجة وتسعة وتلاتين درجة على الترتيب. أوجد المسافة بين السفينتين لأقرب متر.

هنمثل السؤال بالشكل ده، وهنرمز للمسافة بين السفينتين بالرمز س، وللمسافة ما بين السفينة التانية وقمة المنارة بالرمز ص. فهتبقى ظا تسعة وتلاتين بتساوي طول الضلع المقابل للزاوية اللي هو ستين متر، على طول الضلع المجاور للزاوية اللي هو ص. وبضرب الطرفين في ص على ظا تسعة وتلاتين، المعادلة هتبقى ص بتساوي ستين على ظا تسعة وتلاتين. وباستخدام الآلة الحاسبة ده هيساوي تقريبًا أربعة وسبعين متر، ودي المسافة بين السفينة التانية والمنارة.

عشان نوجد س، هنكتب ظا تسعة وعشرين بيساوي طول الضلع المقابل للزاوية اللي هو برضو ستين، على طول الضلع المجاور للزاوية اللي هو هيبقى س زائد ص. فهنضرب الطرفين في س زائد ص، ونقسمهم على ظا تسعة وعشرين، فالمعادلة هتبقى س زائد ص بتساوي ستين على ظا تسعة وعشرين. وباستخدام الآلة الحاسبة ده هيساوي تقريبًا مية وتمنية متر، ودي المسافة بين السفينة الأولى والمنارة.

فلو عوّضنا بقيمة ص في المعادلة، هتبقى س زائد أربعة وسبعين بتساوي مية وتمنية. وبطرح أربعة وسبعين من الطرفين هتبقى س بتساوي أربعة وتلاتين؛ ده معناه إن المسافة بين السفينتين بتساوي تقريبًا أربعة وتلاتين متر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.