فيديو: التحويل من الأميال إلى الياردات

أكمل الآتي: ٥٦ ميلًا = _ ياردة.

٠٢:٢٦

‏نسخة الفيديو النصية

أكمل الآتي: ستة وخمسون ميلًا يساوي كم ياردة؟

عشان نحوّل مسافة بالأميال إلى ما يساويها بالياردة، محتاجين نعرف أول حاجة الميل الواحد بيساوي كام ياردة. الميل الواحد بيساوي ألف وسبعمية وستين ياردة. وبالتالي ستة وخمسين ميل هيساوي ستة وخمسين في ألف وسبعمية وستين ياردة. فنضرب العددين بشكل رأسي. ألف وسبعمية وستين في ستة وخمسين.

أول حاجة نضرب الستة في الصفر، فالناتج هيساوي صفر. بعد كده نضرب ستة في ستة، ده هيساوي ستة وتلاتين. فنكتب ستة في الناتج، ونضيف تلاتة فوق القيمة المكانية اللي بعد كده. بعدين نضرب ستة في سبعة، هيساوي اتنين وأربعين. ونضيف ليها التلاتة، هيساوي خمسة وأربعين. فنكتب خمسة في الناتج، ونضيف أربعة فوق القيمة المكانية اللي بعد كده. بعدين نضرب ستة في واحد، هيساوي ستة. ونضيف ليها أربعة، هيساوي عشرة. وبما إن ما فيش قيم مكانية بعد كده، فهنكتب العشرة في الناتج.

بعد كده نضرب خمسة في ألف وسبعمية وستين، بنفس الطريقة. بس ما ننساش نضيف صفر في الناتج؛ لأن القيمة المكانية للخمسة هي العشرات. بعدين نضرب خمسة في الصفر، الناتج هيساوي صفر. وخمسة في ستة، الناتج هيساوي تلاتين. فنكتب صفر في الناتج، ونضيف تلاتة فوق القيمة المكانية اللي بعد كده. بعدين نضرب خمسة في سبعة، هيساوي خمسة وتلاتين. ونضيف تلاتة للناتج، هيساوي تمنية وتلاتين. فنكتب تمنية في الناتج، ونضيف تلاتة فوق القيمة المكانية اللي بعد كده. بعدين نضرب خمسة في واحد، هيساوي خمسة. ونضيف ليها تلاتة، هيساوي تمنية. فهنكتب تمنية في الناتج.

بعد كده نجمع صفر زائد صفر هيساوي صفر. ستة زائد صفر هيساوي ستة. خمسة زائد صفر هيساوي خمسة. صفر زائد تمنية هيساوي تمنية. واحد زائد تمنية هيساوي تسعة. يبقى ستة وخمسين في ألف وسبعمية وستين بيساوي تمنية وتسعين ألف وخمسمية وستين. وستة وخمسين ميل بيساوي تمنية وتسعين ألف وخمسمية وستين ياردة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.