فيديو: المقارنة بين مساحتَي مستطيل ومربع بمعلومية أبعادهما

أكمل باستخدام أقلّ من أو يساوي أو أكبر من: مساحة المربع الذي طوله ١٤ سم _ مساحة المستطيل الذي بعداه ١٢ سم، ١٥ سم.

٠١:١٧

‏نسخة الفيديو النصية

أكمل باستخدام أقلّ من، أو يساوي، أو أكبر من: مساحة المربع الذي طوله أربعتاشر سنتيمتر، نقط، مساحة المستطيل الذي بعداه اتناشر سنتيمتر وخمستاشر سنتيمتر.

عاوزين نقارن بين مساحة مربع ومساحة مستطيل. مساحة المربع بتساوي طول الضلع مضروب في طول الضلع. طول ضلع المربع بيساوي أربعتاشر. يعني هنضرب أربعتاشر في أربعتاشر. وده بيساوي مية ستة وتسعين سنتيمتر مربع. أمَّا مساحة المستطيل، فبتساوي الطول مضروبًا في العرض. الطول اللي هو خمستاشر، والعرض اللي هو اتناشر. خمستاشر سنتيمتر مضروبة في اتناشر سنتيمتر هتساوي مية وتمانين سنتيمتر مربع.

يبقى بنقارن بين مساحة المربع، اللي هي مية ستة وتسعين سنتيمتر مربع، ومساحة المستطيل، اللي هي مية وتمانين سنتيمتر مربع. مية ستة وتسعين أكبر من مية وتمانين. علشان كده مساحة المربع اللي طوله أربعتاشر سنتيمتر هتبقى أكبر من مساحة المستطيل اللي بعداه اتناشر سنتيمتر وخمستاشر سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.