فيديو السؤال: إيجاد قياس زاوية في مثلث متساوي الساقين باستخدام خواصه الرياضيات

نسخة الفيديو النصية

أوجد قياس الزاوية د أ ب.

ومعطى عندنا في الشكل المثلث أ ب ﺟ. ومعطى عندنا إن المثلث متساوي الساقين؛ لأن أ ب يساوي أ ﺟ. والمطلوب إننا نوجد قياس الزاوية د أ ب، اللي هي الزاوية دي. وهنلاحظ من الشكل إن القطعة المستقيمة أ د عمودية على القطعة المستقيمة ب ﺟ. فعشان نوجد قياس الزاوية د أ ب، يبقى هنستخدم النتيجة على نظريات المثلث متساوي الساقين. والنتيجة هي: المستقيم المرسوم من رأس المثلث المتساوي الساقين، عموديًّا على القاعدة، ينصِّف كلًّا من القاعدة وزاوية الرأس.

فبالتالي لمّا نيجي نشوف المثلث أ ب ﺟ اللي عندنا. فهنلاحظ إن القطعة المستقيمة أ د مرسومة من راس المثلث اللي هي الزاوية أ. وفي نفس الوقت القطعة المستقيمة أ د عمودية على القطعة المستقيمة ب ﺟ، اللي هي قاعدة المثلث. ففي الحالة دي، هتبقى القطعة المستقيمة أ د بتنصّف كلًّا من القاعدة وزاوية الرأس. فبالتالي، بما إن القطعة المستقيمة أ د عمودية على القطعة المستقيمة ب ﺟ، إذن ب د يساوي ﺟ د. وفي نفس الوقت، هيبقى قياس الزاوية د أ ب بيساوي قياس الزاوية د أ ﺟ.

وبما إنه معطى عندنا في الشكل إن قياس الزاوية د أ ﺟ هو خمسة وعشرين درجة. فبالتالي هيبقى قياس الزاوية د أ ب يساوي خمسة وعشرين درجة. وهتبقى هي دي إجابة السؤال.