فيديو: حل معادلتين آنيتين باستخدام الحذف عندما يجب مضاعفة كلتا المعادلتين

باستخدام الحذف، حُل المعادلتين الآنيتين: ٤س + ٦ص = ٤٠، ٣س + ٧ص = ٤٠.

٠٢:٥٥

‏نسخة الفيديو النصية

باستخدام الحذف، حُل المعادلتين الآنيتين: أربعة س زائد ستة ص يساوي أربعين، تلاتة س زائد سبعة ص تساوي أربعين.

عشان نحل معادلتين آنيتين باستخدام طريقة الحذف، بنجري عمليات على المعادلات. بحيث إن في حالة إجراء عمليات جمع أو طرح بين المعادلتين، واحد من المتغيرين هيُحذف. وهيتبقّى معادلة واحدة، بمتغير واحد، وإيجاده هيبقى أسهل. وباستخدامه نقدر نوجد المتغير التاني.

فهنضرب الطرفين في المعادلة الأولى، في تلاتة. فالمعادلة هتبقى: اتناشر س زائد تمنتاشر ص بتساوي مية وعشرين. وهنضرب الطرفين في المعادلة التانية في أربعة. فالمعادلة هتبقى: اتناشر س زائد تمنية وعشرين ص بتساوي مية وستين. بعد كده نطرح المعادلة الأولى الجديدة، من المعادلة التانية الجديدة. يعني هنحسب اتناشر س زائد تمنية وعشرين ص هيساوي مية وستين، ناقص، اتناشر س زائد تمنتاشر ص هيساوي مية وعشرين.

وهنحسب ده، يعني هنطرح معامل السينات من معامل السينات. ومعامل الصادات من معامل الصادات. والحد الثابت من الحد الثابت. فأول حاجة اتناشر س من اتناشر س هيساوي صفر. زائد … تمنية وعشرين ص ناقص تمنتاشر ص هيساوي عشرة ص. بعد كده مية وستين ناقص مية وعشرين هيساوي أربعين. يبقى المعادلة اللي نتجت إن عشرة ص هيساوي أربعين. وبقسمة طرفَي المعادلة على عشرة، هنلاقي إن ص بيساوي أربعة.

بعد كده هنعوّض بقيمة ص، بعد كده هنعوّض بقيمة ص في أيّ واحدة من المعادلتين الآنيتين، ولتكن في المعادلة الأولى. فالمعادلة هتبقى: أربعة س زائد، ستة في أربعة، هيساوي أربعين. بالشكل ده، نقدر نوجد قيمة س. يبقى المعادلة هتبقى: أربعة س زائد … ستة في أربعة هيساوي أربعة وعشرين. بيساوي أربعين. بعد كده نطرح أربعة وعشرين من الطرفين، فالمعادلة هتبقى: أربعة س بتساوي ستاشر. وبقسمة الطرفين على أربعة، هنلاقي إن س بتساوي أربعة. يبقى حل المعادلتين الآنيتين هو إن س بتساوي أربعة، وَ ص بتساوي أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.