فيديو: إيجاد العامل المشترك الأكبر في المسائل الكلامية

يُبيِّن الجدول الموضَّح عدد الخوذات الموجودة في مخزن تابع لمتجر مستلزَمات رياضية. إذا أراد مدير المتجر أن يعرض هذه الخوذات بوضْع كل طراز منها على أرفف متساوية العدد، فأوجد أكبر عدد من الخوذات يمكن وضْعه على كل رف من كل طراز على حدة، ثم أوجد عدد الأرفف التي وُضِعَ عليها كل طراز.

٠٢:٤٧

‏نسخة الفيديو النصية

يبيّن الجدول الموضّح عدد الخوذات الموجودة في مخزن تابع لمتجر مستلزمات رياضية. إذا أراد مدير المتجر أن يعرض هذه الخوذات بوضع كل طراز منها على أرفف متساوية العدد، فأوجد أكبر عدد من الخوذات يمكن وضعه على كل رفّ من كل طراز على حدة، ثم أوجد عدد الأرفف التي وُضع عليها كل طراز.

الجدول اللي عندنا بيوضّح الطراز والكمية الموجودة منه في المخزن؛ عندنا شبابي عندنا منه تلاتة وتلاتين، وطُرق عندنا منه اتنين وأربعين، وجبلي موجود منه تسعة وتلاتين. دلوقتي عشان نقدر نوزّع كل الأنواع اللي عندنا على رفوف بحيث إن كل رف يحتوي على عدد متساوي من الخوذات، هنشوف العامل المشترك الأكبر للتلات أعداد اللي بيمثّلوا المخزون بتاع كل نوع من الأنواع اللي عندنا، يعني عايزين نشوف تلاتة وتلاتين إيه العوامل بتاعتها، هنلاقي إن العوامل بتاعتها: تلاتة، وحداشر. أما اتنين وأربعين فعواملها: اتنين، وتلاتة، وسبعة. وتسعة وتلاتين فالعوامل بتاعته: تلاتة، وتلتاشر.

هنلاقي إن العامل المشترك الوحيد بين التلات أعداد هو تلاتة، وده معناه إن الطريقة الوحيدة اللي كل رف فيها يحتوي على عدد متساوي أو نفس العدد من الخوَذ، هو إن كل رفّ يبقى فيه تلات خوذ. هنشوف أول نوع اللي هو الشبابي اللي هو المخزن فيه تلاتة وتلاتين، نقدر نكتب تلاتة وتلاتين ده كحاصل ضرب تلاتة في حداشر؛ يعني نقدر نقول إننا هنعوز حداشر رفّ، وكل رفّ هيبقى فيه تلات خوذ.

وبعدين نشوف المخزن فيه اتنين وأربعين خوذة من النوع الخاص بالطرق، نقدر نكتب اتنين وأربعين كحاصل ضرب تلاتة في أربعتاشر؛ ده معناها إننا هنحتاج أربعتاشر رفّ، وكل رفّ هيبقى فيه تلات خوذ.

وبعدين نشوف المخزن بيحتوي قد إيه من الخوذ الجبلي، هنلاقي إنه بيحتوي على تسعة وتلاتين خوذة، نقدر نكتب تسعة وتلاتين ده كحاصل ضرب تلاتة في تلتاشر؛ ده معناه إننا نقدر نرتّبهم في تلتاشر رفّ، وكل رفّ يحتوي على تلات خوذ.

يبقى ده معناه إن إحنا عشان نرتبهم في أرفف وكل رفّ يبقى فيه نفس العدد من الخوذ، هنحط في كل رفّ تلات خوذ؛ الشبابي هيحتاج يترص في حداشر رفّ، والطرق هيحتاج يترص في أربعتاشر رفّ، والجبلي هيحتاج يترص في تلتاشر رفّ، وكل رفّ من الأرفف لكل الأنواع هيحتوي على تلات خوذ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.