فيديو: تحديد الرسم البياني المناسِب لإحداثيات كارتيزية مُعطاة

جمع أب بيانات لتحديد العلاقة بين عدد ساعات المذاكرة وعدد ساعات الراحة لـ ٣ أبناء في أحد الأيام. كانت النتيجة كالآتي: زكي: (٤، ٢) بشير: (٥، ٣) توفيق: (٧، ٤) أيُّ الرسومات البيانية التالية تُعدُّ أفضل وصف للبيانات المعطاة؟

٠٢:٢٠

‏نسخة الفيديو النصية

جمّع أب بيانات لتحديد العلاقة بين عدد ساعات المذاكرة، وعدد ساعات الراحة، لتلات أبناء، في أحد الأيام، كانت النتيجة كالآتي: زكي: أربعة واتنين، بشير: خمسة وتلاتة، توفيق: سبعة وأربعة. أيّ الرسومات التالية تعدّ أفضل وصف للبيانات المعطاة؟

عندنا خمس اختيارات، كل رسم منهم يوضح مجموعة من البيانات بتختلف عن الأخرى، عايزين نشوف أيّ رسم منهم بيمثّل بالظبط النقاط اللي بتمثّل زكي وبشير وتوفيق؛ أوقات المذاكرة بالنسبة لأوقات الراحة.

على ورقة الرسم البياني اللي قدامنا، هنرسم محور السينات هيمثّل ساعات المذاكرة، ومحور الصادات هيمثّل ساعات الراحة.

هنشوف أوّل ابن من الأبناء، اللي هو زكي، ذاكر أربع ساعات، واستراح ساعتين، فعايزين نمثّل الزوج المرتَّب أربعة واتنين على الرسم البياني اللي عندنا، هنيجي على محور السينات من عند النقطة أربعة ونطلع بخط عمودي، ومن محور الصادات نرسم من عند النقطة اتنين خط يوازي محور السينات، النقطة اللي هيتقابلوا فيها الخطين ده، اللي هي دي؛ هتبقى هي النقطة اللي بتمثّل الزوج المرتَّب اللي بيعبّر عن بيانات زكي.

دلوقتي هنمثّل بيانات بشير؛ بشير كان بيذاكر خمس ساعات، ويستريح تلات ساعات، يبقى على محور السينات هنطلع بخط عمودي من عند النقطة خمسة، ونيجي من على محور الصادات من عند النقطة تلاتة، ونرسم خط يوازي محور السينات، هيتقابلوا في نقطة، اللي هي دي، واللي بتمثّل بيانات بشير.

دلوقتي هنمثّل بيانات الابن التالت، اللي هو توفيق، اللي هي سبعة وأربعة، هنيجي على محور السينات، ونطلع بخط عمودي من عند العدد سبعة، ومن على محور الصادات هنرسم خط يوازي محور السينات بيمُرّ بالعدد أربعة، النقطة اللي هيتقابل فيها الخطين هي دي اللي هتمثّل بيانات توفيق.

وكده يبقى قدرنا نعرف الرسم البياني اللي بيُعد أفضل وصف للبيانات المعطاة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.