فيديو: تسمية مضلع له عدد ن من الأضلاع

أوجد الأزواج الإحداثية للنِّقاط ﺃ، ﺏ، ﺟ.

٠٢:٣٠

‏نسخة الفيديو النصية

أوجد الأزواج الإحداثية للنقاط أ وَ ب وَ جـ. عندنا تلات نقط أ وَ ب وَ جـ، وعاوزين نعرف الأزواج الإحداثية بتاعتهم، فهنكتب هنا أ يساوي … والقوس بتاع الزوج المرتب، وَ ب يساوي … وَ جـ تساوي … ونبدأ نشوف نقطة نقطة. أول نقطة النقطة أ، النقطة أ موجودة على محور الصادات، يعني س فيها بصفر، وطلعت عند الـ ص واحد اتنين، يبقى الـ ص اتنين، يبقى النقطة أ صفر واتنين. أما بالنسبة للنقطة ب، فهنلاقي إننا اتحرّكنا على محور السينات واحد اتنين تلاتة، وطلعنا للصادات واحد اتنين تلاتة أربعة خمسة؛ يبقى إحنا قطعنا في السينات تلاتة وفي الصادات خمسة علشان نوصل للنقطة ب.

أما النقطة جـ والأخيرة، فهنلاقي إننا مشينا للسينات عشان نوصلها واحد اتنين تلاتة أربعة خمسة ستة، وطلعنا في الصادات واحد اتنين تلاتة أربعة خمسة ستة سبعة، علشان نوصل في الآخر للنقطة جـ، يبقى إحنا مشينا في الـ س ستة، وفي الـ ص سبعة.

ولو جينا نجيبها بشكل تاني، هنلاقي إن النقطة جـ قصادها على محور الصادات السبعة، وقصادها على محور السينات الستة، فبسهولة نقدر نقول إن هي ستة وسبعة؛ وزيها النقطة ب على محور السينات التلاتة، وعلى محور الصادات الخمسة؛ والنقطة أ على محور السينات الصفر، وعلى محور الصادات الاتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.