فيديو: إيجاد صورة مثلث ما بعد الانعكاس

أيّ مثلث يُعتبر صورة ∆ﺃﺟﺩ بعد الانعكاس في الخط المستقيم ﺏﺩ؟

٠١:٢٥

‏نسخة الفيديو النصية

أيّ مثلث يُعتبر صورة المثلث أ ﺟ د بعد الانعكاس في الخط المستقيم ب د؟

دلوقتي الخط المستقيم ب د هو اللي عِدنا عليه باللون البرتقالي ده، وعايزين نشوف صورة المثلث أ ﺟ د بعد الانعكاس على محور الانعكاس اللي قدامنا ده.

صورة أي نقطة بنقدر نحددها بإنها بتبقى على نفس المسافة من محور الانعكاس، بس في الاتجاه المقابل. يعني عايزين نعرف هي النقطة أ بتبعد عن محور الانعكاس قد إيه؟ واحد، اتنين، تلاتة، أربعة؛ يبقى هي بتبعد عن محور الانعكاس أربع وحدات.

الصورة بتاعتها هتبعد عن محور الانعكاس أربع وحدات برضو، بس في الاتجاه المقابل. واحد، اتنين، تلاتة، أربعة؛ يبقى في الحالة دي هتبقى صورة النقطة أ هي النقطة ﻫ، بالانعكاس على محور الانعكاس اللي هو الخط المستقيم ب د.

أما النقط اللي بتقع على محور الانعكاس، فصورتها بتنطبق على نفسها؛ يعني أي نقطة واقعة على محور الانعكاس هي نفسها الصورة بتاعتها. فنقدر نقول كده إن صورة المثلث أ ﺟ د بعد الانعكاس في الخط المستقيم ب د اللي هو محور الانعكاس، بالنسبة لنا هتصبح المثلث ﻫ ﺟ د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.