فيديو: استخدام المتغيرات لتمثيل الأعداد وكتابة معادلات عند حل مسائل رياضية أو واقعية

يمتلك عادل وفادي معًا ٥٧٢ جنيهًا. إذا كان عادل يمتلك ٢٨٥ جنيهًا، فاكتب معادلة جمع لإيجاد المبلغ الذي يمتلكه فادي، ثم حُلَّها.

٠١:٤١

‏نسخة الفيديو النصية

يمتلك عادل وفادي معًا خمسمائة واثنان وسبعون جنيهًا. إذا كان عادل يمتلك مائتان وخمسة وثمانون جنيهًا، فاكتب معادلة جمع لإيجاد المبلغ الذي يمتلكه فادي، ثم حُلَّها.

بما إن عادل وفادي بيمتلكوا مع بعض خمسمية واتنين وسبعين جنيه، يبقى المبلغ مع عادل زائد المبلغ مع فادي بيساوي خمسمية واتنين وسبعين. ومن المعطيات كان المبلغ اللي مع عادل هو ميتين وخمسة وتمانين جنيه، وهنرمز للمبلغ اللي مع فادي بالرمز س؛ فده معناه إن ميتين وخمسة وتمانين اللي هو المبلغ اللي مع عادل، زائد س اللي هو المبلغ اللي مع فادي، بيساوي خمسمية واتنين وسبعين، ودي معادلة الجمع اللي ممكن منها نوجد المبلغ اللي بيمتلكه فادي.

عشان نحل المعادلة دي، هنطرح من الطرفين ميتين وخمسة وتمانين، فالمعادلة هتبقى ميتين وخمسة وتمانين، زائد س، ناقص ميتين وخمسة وتمانين؛ هتساوي خمسمية واتنين وسبعين، ناقص ميتين وخمسة وتمانين؛ يعني س هتساوي خمسمية واتنين وسبعين، ناقص ميتين وخمسة وتمانين؛ يعني هتساوي ميتين وسبعة وتمانين.

يبقى المبلغ اللي مع فادي هيساوي ميتين وسبعة وتمانين جنيهًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.