فيديو السؤال: تحديد القياس الأكثر ترجيحًا لجسم الرياضيات

‏نسخة الفيديو النصية

أيّ الاختيارات الآتية أقرب إلى طول قلم رصاص؟ خمسين سنتيمتر، تسعين سنتيمتر، واحد سنتيمتر، تمنية سنتيمتر.

عاوزين نعرف أيّ اختيار من الأربع اختيارات اللي قدامنا دول، هو أقرب طول لطول القلم الرصاص ده. فنبدأ نشوف أول اختيار. أول اختيار هو خمسين سنتيمتر. خمسين سنتيمتر يعني نص متر. وما فيش قلم رصاص طوله نص متر. لأن نص متر ده طول كبير جدًّا، بالنسبة لطول القلم الرصاص. فنستبعد الخمسين سنتيمتر.

نيجي نشوف الاختيار اللي بعده؛ تسعين سنتيمتر. ده أكبر من الخمسين، ده حوالي متر. برضو ما فيش قلم رصاص طوله متر كامل. لأن ده طول كبير جدًّا. فبرضو نستبعد التسعين سنتيمتر. الاختيار اللي بعده واحد سنتيمتر. إحنا ممكن نقول إن طول من الجزء ده كده، للجزء ده؛ ده كده واحد سنتيمتر. فالطول ده صغير جدًّا بالنسبة لطول القلم. فبرضو نستبعده.

نشوف آخر اختيار، وهو تمنية سنتيمتر. تمنية سنتيمتر ده طول معقول بالنسبة للقلم الرصاص. بنقدر نمسكه في إيدينا. مش قصير أوي زيّ الواحد سنتيمتر، ولا طويل أوي طوله متر. لكن هو طول معقول بالنسبة لطول القلم الرصاص. فتبقى الإجابة الصح، اللي إحنا المفروض نختارها، هي تمنية سنتيمتر.