فيديو: جمع ثلاثة أعداد

يوضح الفيديو تعريف الخاصية التجميعية للجمع، وجمع ثلاثة أعداد عن طريق إعادة ترتيبها.

٠٤:٠٣

‏نسخة الفيديو النصية

هنتكلّم عن جمع ثلاثة أعداد. هنتعلّم إزاي أعيد ترتيب الأعداد عشان يكون سهل عليّا جمعها. هبتدي الشرح بالمثال التالي.

هنجمع التلات أعداد: أربعة زائد ستة زائد أربعة بطريقتين.

الطريقة الأولى: هجمع العدد ونفسه؛ أربعة زائد أربعة هيساوي تمنية. وبعدين هجمع تمنية على العدد اللي كان ناقص، وهو ستة. إذن تمنية زائد ستة هيساوي أربعتاشر.

الطريقة التانية: هجيب ناتج جمع أربعة زائد ستة، هيساوي عشرة. وبعدين هجمع عشرة زائد أربعة، العدد اللي كان ناقص، يعني هيساوي أربعتاشر.

وبكده حصلت على نفس الناتج بالطريقتين. يعني أقدر أقول إن ناتج الجمع ما بيتغيّرش مهما اتغيّر ترتيب الأعداد. وده بنسمّيه الخاصية التجميعية. هناخد مثال في الصفحة اللي جايّة.

أوجد ناتج الجمع. ضع دائرة حول الأعداد التي ستبدأ بها، ثم اكتب ناتج الجمع.

رقم واحد: سبعة زائد أربعة زائد سبعة.

هبتدي هنا بجمع العدد ونفسه؛ سبعة زائد سبعة. سبعة زائد سبعة هيساوي أربعتاشر. بعدين هجمع أربعتاشر زائد العدد المتبقّي. أربعتاشر زائد أربعة هيساوي تمنتاشر. إذن ناتج جمع سبعة زائد أربعة زائد سبعة هيساوي تمنتاشر.

سؤال رقم اتنين: تلاتة زائد تسعة زائد تلاتة.

هبتدي بجمع العدد ونفسه؛ تلاتة زائد تلاتة. تلاتة زائد تلاتة هيساوي ستة. بعدين هجمع ستة زائد العدد المتبقّي، وهو تسعة. ستة زائد تسعة هيساوي خمستاشر. هنكمّل في الصفحة اللي جايّة.

سؤال رقم تلاتة: تسعة زائد واحد زائد اتنين.

في البداية هجمع تسعة زائد واحد. تسعة زائد واحد هيساوي عشرة. بعدين هجمع عشرة زائد العدد المتبقّي، وهو اتنين. عشرة زائد اتنين هيساوي اتناشر. إذن ناتج جمع تسعة زائد واحد زائد اتنين هيساوي اتناشر.

سؤال رقم أربعة: اتنين زائد أربعة زائد اتنين.

في البداية هجمع العدد ونفسه؛ اتنين زائد اتنين. اتنين زائد اتنين هيساوي أربعة. بعدين هجمع أربعة زائد العدد المتبقّي، وهو أربعة. أربعة زائد أربعة هيساوي تمنية. إذن ناتج جمع اتنين زائد أربعة زائد اتنين هيساوي تمنية. هنكمّل في الصفحة اللي جايّة.

تدريبات. رقم واحد: أربعة زائد تلاتة زائد أربعة.

في البداية هنجمع العدد ونفسه؛ أربعة زائد أربعة. أربعة زائد أربعة هيساوي تمنية. وبعدين هجمع تمنية زائد العدد المتبقّي، اللي هو تلاتة، هيساوي حداشر. إذن ناتج جمع أربعة زائد تلاتة زائد أربعة هيساوي حداشر.

سؤال رقم اتنين: أربعة زائد تلاتة زائد سبعة.

في البداية هجمع العدد تلاتة زائد العدد سبعة. تلاتة زائد سبعة هيساوي عشرة. بعدين هجمع عشرة زائد العدد المتبقّي، اللي هو أربعة، يعني هيساوي أربعتاشر. إذن ناتج جمع أربعة زائد تلاتة زائد سبعة هيساوي أربعتاشر.

سؤال رقم تلاتة: تسعة زائد تمنية زائد واحد.

في البداية هجمع تسعة زائد واحد هيساوي عشرة. بعدين أجمع عشرة زائد العدد المتبقّي، اللي هو تمنية، يعني هيساوي تمنتاشر. إذن تسعة زائد تمنية زائد واحد هيساوي تمنتاشر.

وبكده هنكون اتعلّمنا إزاي نجمع تلات أعداد؛ يعني إزاي أعيد ترتيب الأعداد عشان يكون سهل عليّا جمعها. وعرفنا كمان إن ناتج الجمع ما بيتغيّرش مهما اتغيّر ترتيب الأعداد، وهذا ما نسمّيه الخاصية التجميعية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.