فيديو: إيجاد الأزواج المرتبة لبعض النقاط الممثَّلة على مستوى الإحداثيات

أوجد الفرق بين مساحة مثلث قاعدته ٥٫٥ ديسم، وارتفاعه ٤ ديسم، ومساحة مستطيل بعداه ٢١ سم، ١٦ سم بالسنتيمتر المربع.

٠٢:٠٠

‏نسخة الفيديو النصية

أوجد الفرق بين مساحة مثلث قاعدته خمسة وخمسة من عشرة ديسيمتر وارتفاعه أربعة ديسيمتر، ومساحة مستطيل بُعداه واحد وعشرين سنتيمتر وستاشر سنتيمتر. المساحة مطلوب نوجدها بالسنتيمتر المربع.

العلاقة اللي بنحسب منها مساحة المثلث هي إن مساحة المثلث بتساوي نصف القاعدة في الارتفاع، هتبقى بتساوي نص في القاعدة خمسة وخمسة من عشرة ديسيمتر. إحنا عايزين نحوّل المساحة اللي عندنا دي إنها تطلع بالسنتيمتر المربع، يعني عايزين نحوّل الأطوال اللي عندنا من ديسيمتر لسنتيمتر، عارفين إن الواحد ديسيمتر بيساوي عشرة سنتيمتر، يعني الديسيمتر متقسّم لعشرة سنتيمتر، فيبقى كده هنضرب في طول القاعدة بعد ما نحوّله لسنتيمتر، يعني هنضرب خمسة وخمسة من عشرة في عشرة.

بنفس الطريقة هنضرب في الارتفاع بعد تحويله للسنتيمتر، يعني هنضربه في عشرة، عشان نقدر نحسب المساحة بالسنتيمتر المربع. يبقى دلوقتي عايزين نوجد حاصل ضرب نص في خمسة وخمسين في أربعين، هيطلع ألف ومية سنتيمتر مربع، ده كده مساحة المثلث.

دلوقتي عايزين نحسب مساحة المستطيل، مساحة المستطيل بنحسبها من العلاقة دي، إن هى حاصل ضرب الطول في العرض. نبتدي نعوّض في العلاقة، الطول بتاع المستطيل معطى عندنا بواحد وعشرين سنتيمتر، والعرض معطى بستاشر سنتيمتر، حاصل الضرب هيطلع تلتمية ستة وتلاتين، يعني مساحة المستطيل هتبقى تلتمية ستة وتلاتين سنتيمتر مربع.

دلوقتي نقدر نطرح المساحتين عشان نوجد الفرق في المساحة بين الشكلين، فيبقى الفرق في المساحة هيطلع سبعمية أربعة وستين سنتيمتر مربع، كده قدرنا نوجد الفرق في المساحة بوحدة السنتيمتر المربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.