فيديو: أسئلة إحصائية

حدِّد هل العبارة التالية سؤال إحصائي أم لا: سؤالك لمعلم الرياضيات: «ما متوسط نتيجة درجة الاختبار؟»

٠١:٣١

‏نسخة الفيديو النصية

حدد هل العبارة التالية سؤال إحصائي أم لا؟ سؤالك لمعلم رياضيات: «ما متوسط نتيجة درجة الاختبار؟»

وعشان نعرف إذا كان السؤال اللي عندنا ده سؤال إحصائي أم لا، خلّينا في الأول نفتكر إيه هو السؤال الإحصائي. السؤال الإحصائي هو السؤال اللي إجابته بتحتاج لجمع البيانات، واللي بتكون قيمتها مختلفة، يعني بتبقى بيانات متنوعة؛ فمثلًا لو سألنا شخص: «كم عمرك؟» فده ما يُعتبرش سؤال إحصائي؛ لأن إجابته هتبقى إجابة محدّدة، مش إجابات أو قيم مختلفة، هي قيمة محدّدة، اللي هو عمر الشخص. أما مثلًا لو سألنا إيه هي درجات فصل دراسي معيّن، فمعنى كده إن ده هيبقى سؤال إحصائي؛ لأن إجابته هتبقى قيم مختلفة؛ لأن كل طالب حقّق نتيجة غير التاني.

فبالتالي هيبقى السؤال اللي عندنا، لو عايزين نعرف سؤال إحصائي أم لا، خلينا نشوف سؤالك لمعلم الرياضيات: «ما متوسط نتيجة درجة الاختبار؟»، فالسؤال ده بنسأل على متوسط نتيجة درجة الاختبار، فالمتوسط للنتيجة معناها إننا عندنا نتائج مختلفة، وهنشوف المتوسط للنتائج دي؛ فبالتالي هيبقى السؤال ده إجابته بتحتاج لجمع البيانات، والبيانات دي بتكون قيمتها مختلفة؛ فمعنى كده إن العبارة التالية هتبقى سؤال إحصائي؛ وبالتالي الإجابة على السؤال: «حدد هل العبارة التالية سؤال إحصائي أم لا؟» فهتبقى الإجابة هي: هذا سؤال إحصائي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.