فيديو: تكوين أشكال من شبكات هندسية

ما الشكل الذي يتكوَّن عند طي هذه الشبكة؟

٠١:٢٤

‏نسخة الفيديو النصية

ما الشكل الذي يتكوّن عند طيّ هذه الشبكة؟

عاوزين نعرف الشبكة اللي قدّامنا دي لمّا نتنيها هيتكوّن لنا شكل إيه.

تعالوا نشوف الشبكة دي عبارة عن إيه. الشبكة دي فيها: وجه، اتنين، تلاتة، أربعة، خمسة، ستة. يبقى المجسّم اللي هيتكوّن لمّا نتني الشبكة دي له ست أوجه. الوجه رقم اتنين على شكل مستطيل؛ وزيّه الأوجُه رقم: تلاتة، وأربعة، وخمسة. والوجه رقم واحد، والوجه رقم ستة؛ على شكل مربعات. ده معناه إيه؟

ده معناه إن الشكل اللي عندنا ده أو الشبكة اللي عندنا دي مكوّنة من: أربع مستطيلات، ومربعين. فلو تنينا الشبكة دي؛ هيتكوّن لنا مجسّم فيه أوجه على شكل مستطيلات، وأوجه على شكل مربعات. وما دام المجسّم فيه وجه على شكل مستطيل، فده معناه إن المجسّم ده متوازي مستطيلات. وده تقريبًا شكله لمّا نتنيه.

فتبقى الإجابة الصح هي: متوازي مستطيلات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.