فيديو: استخدام التغير الطردي

طول أمير ١٫٦ م، وطول ظله ٤ م. يقف أمير قريبًا من شجرة طول ظلها ٢٢ م. ما طول الشجرة؟

٠٢:٠٨

‏نسخة الفيديو النصية

طول أمير واحد وستة من عشرة متر. وطول ظِلّه أربعة متر. يقف أمير قريبًا من شجرة طول ظِلّها اتنين وعشرين متر. ما طول الشجرة؟

طول أمير واحد وستة من عشرة متر. وطول ظِلّه أربعة متر. في حين إنه يقف جنب شجرة، طول ظِلّها هو اللي معروف، اللي هو اتنين وعشرين متر. عايزين نوجد طول الشجرة. من الرسم اللي قدامنا ده، هنلاحظ إن فيه تشابُه ما بين المثلث اللي بيحتوي طول أمير وظِلّه، والمثلث اللي بيحتوي الشجرة وظِلّها. ده مثلث قائم الزاوية، وده مثلث قائم الزاوية. وبما إن المثلثين دول متناظرين، يبقى فيه نسبة متساوية ما بين الأطوال الأضلاع المتناظرة.

يعني هنا المسافة دي أربعة، والمسافة دي اتنين وعشرين. يبقى الاتنين وعشرين عَ الأربعة، دول ضلعين متناظرين، هتساوي النسبة ما بين طول الشجرة، على طول أمير. هيبقى اتنين وعشرين على الأربعة؛ الضلعين المتناظرين النسبة ما بينهم بتساوي الضلعين التانيين المتناظرين، اللي هو طول الشجرة على طول أمير.

وطبعًا ناخد بالنا إن الاتنين وعشرين دي، في المثلث اللي فيه الشجرة وظِلّها. والأربعة، والواحد وستة من عشرة، ده طول أمير وظِلّه. يبقى طول الشجرة هيساوي اتنين وعشرين على أربعة، في واحد وستة من عشرة. تساوي تمنية وتمنية من عشرة متر. ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.