تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد محيط مثلث باستخدام التشابه بين مثلثين

سوزان فائق

أوجد محيط △ﺃﺏﺟ.

٠٢:٥٦

‏نسخة الفيديو النصية

اوجد محيط المثلث أ ب ج.

المثلثين أ ب ج و ل م ن فيهم الزاوية ل بتساوي الزاوية أ، والزاوية ن بتساوي زاوية ج، وطول أ ب ستة وتمنية من عشرة سنتيمتر، وطول ل م عشرين وأربعة من عشرة سنتيمتر، وطول م ن تمنتاشر سنتيمتر، و ل ن أربعة وعشرين سنتيمتر.

ومحيط المثلث بيساوي مجموع أطوال أضلاعه، يبقى عايزين نوجد أطوال أضلاع المثلث أ ب ج، المثلث ل م ن فيه الزاوية ل بتساوي الزاوية أ، والزاوية ن بتساوي الزاوية ج، وبما أن لو تساوت زاويتين في مثلثين يبقى الزاوية التالتة هي كمان هتتساوى، لأن مجموع قياسات الزوايا الداخلية لأي مثلث بتساوي مية وتمانين درجة، معنى كده إن لو فيه اتنين متساويين في المثلثين، يبقى اللي باقي مِ المية وتمانين درجة هيتساوى اللي هو قياس الزاوية التالتة، وبما أن قياسات الزوايا المتناظرة متساوية في المثلثين إذن المثلثين متشابهين، يبقى المثلث أ ب ج يشابه المثلث ل م ن، وبما أن النسبة بين محيطيّ مضلعين متشابهين بيساوي معامل تشابهما، إذن النسبة بين محيطيّ المثلثين هتساوي معامل تشابهما، واللي هو بيبقى النسبة بين طولي ضلعين متناظرين، يبقى محيط المثلث أ ب ج على محيط المثلث ل م ن هيساوي النسبة بين طولي ضلعين، الضلع اللي في أ ب ج عارفين قيمته اللي هو ستة وتمنية من عشرة اللي هو أ ب، والمناظر له هو الـ ل م، يبقى النسبة بين طولي الضلعين ستة وتمنية من عشرة على عشرين وأربعة من عشرة، وهنوجد قيمة محيط المثلث ل م ن، بإن إحنا نجمع أطوال أضلاعه، يبقى نقدر نجيب محيط المثلث أ ب ج، يبقى محيط المثلث ل م ن هيساوي عشرين وأربعة من عشرة زائد تمنتاشر زائد أربعة وعشرين، هيساوي اتنين وستين وأربعة من عشرة سنتيمتر، لما هنعوّض بالقيم المعلومة يبقى محيط المثلث أ ب ج على اتنين وستين وأربعة من عشرة هيساوي ستة وتمنية من عشرة على عشرين وأربعة من عشرة، يبقى هيساوي عشرين وتمنية من عشرة سنتيمتر، وهي دي قيمة محيط المثلث أ ب ج.