فيديو: إيجاد محيط مضلعات متشابهة بمعلومية معامل التشابه

النسبة بين طولَي ضلعين متناظرين في مضلّعين متشابهين هي ٢ : ٩. إذا كان محيط المضلّع الأصغر ٦٨ سم، فأوجد محيط الأكبر لأقرب رقمين عشريين.

٠١:٣٠

‏نسخة الفيديو النصية

النسبة بين طولَي ضلعين متناظرين في مضلّعين متشابهين، هي اتنين إلى تسعة. إذا كان محيط المضلّع الأصغر تمنية وستين سنتيمتر، فأوجد محيط الأكبر لأقرب رقمين عشريين.

معطى في السؤال إن النسبة بين طولَي ضلعين متناظرين في مضلّعين متشابهين، هي اتنين إلى تسعة. ومحيط المضلّع الأصغر تمنية وستين سنتيمتر. مطلوب نجيب محيط المضلّع الأكبر. باستخدام قانون التناسب، هنفتكر إنه النسبة بين محيطي مضلّعين متشابهين، تساوي النسبة بين طولَي ضلعين متناظرين فيهما.

يعني أقدر أقول إنه محيط المضلّع الأصغر على محيط المضلّع الأكبر. هتساوي طول ضلع المضلّع الأصغر على طول ضلع المضلّع الأكبر. هعوّض عن محيط المضلّع الأصغر بتمنية وستين، على محيط الأكبر. وهعوّض عن النسبة بين طول المضلّع الأصغر إلى طول المضلّع الأكبر، باتنين على تسعة. وبما إنه حاصل ضرب الطرفين هيساوي حاصل ضرب الوسطين. أقدر أقول إنه محيط المضلّع الأكبر هيساوي تمنية وستين في تسعة، على اتنين. يعني هيساوي تلتمية وستة سنتيمتر. وبكده هنكون جِبنا محيط المضلّع الأكبر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.