فيديو: تحويل الأعداد الكسرية إلى كسور غير فعلية

صندوق عرضه ٦/١ ١٠ بوصات. اكتب ٦/١ ١٠ في صورة كسر غير فعلي.

٠١:١٤

‏نسخة الفيديو النصية

صندوق عرضه عشر بوصات وواحد على ستة. اكتب عشرة وواحد على ستة في صورة كسر غير فعلي.

في المثال ده، عايزين نكتب العدد الكسري عشرة وواحد على ستة، أو عشرة وسدس في صورة كسر غير فعلي. أول حاجة، هنكتب العدد الكسري اللي عندنا مرة كمان. والعدد هو عشرة وواحد على ستة، أو عشرة وسدس. علشان نكتب عدد كسري في صورة كسر غير فعلي، فإحنا الأول بنضرب العدد الصحيح في المقام. بعد كده بنضيف حاصل الضرب إلى البسط. والناتج بنكتبه على المقام الأصلي.

فهنبدأ نكتب العدد الكسري عشرة وسدس، أو عشرة وواحد على ستة في صورة كسر غير فعلي. فهنضرب عشرة في ستة. عشرة في ستة يساوي ستين. بعد كده هنضيف حاصل الضرب، اللي هو ستين، إلى البسط، اللي هو واحد. فهيبقى ستين زائد واحد يساوي واحد وستين. بعد كده هنكتب المجموع، اللي هو واحد وستين، على المقام الأصلي، اللي هو ستة. فبالتالي هيبقى العدد الكسري عشرة وسدس، أو عشرة وواحد على ستة يساوي واحد وستين على ستة.

وبكده يبقى إحنا كتبنا العدد الكسري عشرة وسدس، أو عشرة وواحد على ستة في صورة كسر غير فعلي. وهو واحد وستين على ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.