تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل معادلات خطية ذات خطوتين تتضمن معاملات على صورة كسور

أحمد مدحت

إذا كان (ﺱ + ١٨)/٨ = ٤/١٨، فأوجد قيمة ﺱ.

٠١:٥٦

‏نسخة الفيديو النصية

عندنا في المثال عايزين نوجد قيمة س إذا كانت س زائد تمنتاشر على تمنية يساوي تمنتاشر على أربعة.

في المثال ده علشان نوجد قيمة س هنستخدم إن حاصل ضرب الطرفين يساوي حاصل ضرب الوسطين، و ده لأن العلاقة اللي عندنا علاقة تناسب، وده عرفناه من خلال إن إحنا عندنا نسبة تساوي نسبة؛ فأول حاجة هنكتب علاقة التناسب اللي عندنا، والعلاقة هي س زائد تمنتاشر على تمنية، يساوي تمنتاشر على أربعة، بعد كده هنوجد حاصل ضرب الطرفين ونساويه بحاصل ضرب الوسطين، فبالنسبة لحاصل ضرب الطرفين هيبقى عبارة عن القوس س زائد تمنتاشر في أربعة، أما حاصل ضرب الوسطين فهيبقى عبارة عن تمنية في تمنتاشر، وبالنسبة لحاصل ضرب الطرفين فهو يساوي حاصل ضرب الوسطين، بعد كده بالنسبة للطرف الأيسر هنلاقي إن تمنية في تمنتاشر يساوي مية أربعة وأربعين، معنى كده إن هيبقى القوس س زائد تمنتاشر في أربعة يساوي مية أربعة وأربعين، بعد كده هنتخلص من الأربعة اللي مضروبة في القوس س زائد تمنتاشر، وده هيكون من خلال إن إحنا هنقسم الطرفين بتوع المعادلة على أربعة، لما هنقسم طرفَي المعادلة على أربعة هيبقى اتخلصنا من الأربعة اللي مضروبة في القوس س زائد تمنتاشر، معنى كده إن هيبقى عندنا الطرف الأيمن عبارة عن س زائد تمنتاشر، أما الطرف الأيسر فهيبقى عبارة عن مية أربعة وأربعين على أربعة، يعني هيساوي ستة وتلاتين، والطرف الأيمن يساوي الطرف الأيسر، يعني س زائد تمنتاشر يساوي ستة وتلاتين، بعد كده علشان نوجد قيمة س هنحتاج إن إحنا نتخلص من موجب تمنتاشر؛ وبالتالي هنطرح من طرفَي المعادلة تمنتاشر، فلما هنطرح من طرفَي المعادلة تمنتاشر هيبقى عندنا س تساوي تمنتاشر، وبكده يبقى إحنا أوجدنا قيمة س.