تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل متباينات خطية ذات متغير واحد في كلا الطرفين

أحمد لطفي

أوجد حل المتباينة الآتية: −٩ﺱ + ١٤ ≥ −٢٠ − ٨ﺱ.

٠١:٥٧

‏نسخة الفيديو النصية

اوجد حل المتباينة الآتية: سالب تسعة س زائد أربعتاشر أكبر من أو بتساوي سالب عشرين ناقص تمنية س.

هنكتب المتباينة مرة كمان، فهتكون بالشكل ده محتاجين نخلي الحدود اللي فيها س في طرف لوحدها؛ وبالتالي هنجمع على الطرفين تمنية س، فهيكون عندنا سالب تسعة س زائد أربعتاشر زائد تمنية س، أكبر من أو بيساوي سالب عشرين ناقص تمنية س زائد تمنية س؛ يعني سالب س زائد أربعتاشر أكبر من أو بيساوي سالب عشرين، هنطرح أربعتاشر من الطرفين فهيكون عندنا سالب س زائد أربعتاشر ناقص أربعتاشر، أكبر من أو بيساوي سالب عشرين ناقص أربعتاشر؛ يعني سالب س أكبر من أو بتساوي سالب أربعة وتلاتين، هنضرب الطرفين في سالب واحد فهيكون عندنا سالب س مضروبة في سالب واحد أصغر من أو بتساوي سالب أربعة وتلاتين مضروبة في سالب واحد، وهنلاحظ إن اشارة أكبر من أو بيساوي اتحولت لإشارة أصغر من أو بتساوي عشان ضربنا في سالب واحد في الطرفين؛ وبالتالي هيكون عندنا س أصغر من أو بتساوي أربعة وتلاتين، ويبقى حل المتباينة هو س أصغر من أو بتساوي أربعة وتلاتين.