تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: التعرُّف على التغيُّر الطردي

أحمد لطفي

ما الجدول الذي لا يُبيِّن أن ﺱ تتغيَّر طرديًّا مع ﺹ؟ [أ] جدول أ [ب] جدول ب [ج] جدول ﺟ [د] جدول د [ﻫ] جدول ﻫ

٠٣:٤٧

‏نسخة الفيديو النصية

ما الجدول الذي لا يُبيّن أن ﺱ تتغيّر طرديًّا مع ﺹ؟ مُعطى خمس اختيارات؛ الجدول اللي في الاختيار أ: قيم س واحد واتنين وتلاتة، وقيم ص اتناشر وأربعة وعشرين وستة وتلاتين. الجدول اللي في الاختيار ب: قيم س عشرة وعشرين وتلاتين، وقيم ص اتنين وأربعة وستة. الجدول اللي في الاختيار ﺟ: قيم س خمسة وتلاتة وواحد، وقيم ص ستة وعشرة وتلاتين. الجدول اللي في الاختيار د: قيم س اتنين وصفر وسالب اتنين، وقيم ص تمنية وصفر وسالب تمنية. الجدول اللي في الاختيار ﻫ: قيم س اتنين وأربعة وستة، وقيم ص واحد وخمسة من عشرة وتلاتة وأربعة وخمسة من عشرة.

في البداية عشان س تتغير طرديًّا مع ص، فلو كانت س بتزيد، ص لازم تكون بتزيد أيضًا. ولو كانت س بتقلّ لازم ص تقل أيضًا. وبالتالي بما إن مطلوب إننا نحدّد الجدول اللي بيوضّح إن قيم س لا تتغير طرديًّا مع ص، يعني هنجد إن عندنا أربع جداول فيهم قيم س بتتغير طرديًّا مع ص.

أول حاجة بالنسبة للجدول اللي في الاختيار أ؛ هنجد إن قيم س واحد واتنين وتلاتة، فهنجد إن قيم س بتزيد. وهنجد إن قيم ص اتناشر، وأربعة وعشرين، وستة وتلاتين، فهنجد أيضًا إن قيم ص بتزيد. وبالتالي الجدول في الاختيار أ، قيم س بتتغير طرديًّا مع ص؛ وبالتالي الجدول اللي في الاختيار أ هيكون مستبعد.

بالنسبة للجدول في الاختيار ب؛ هنجد إن قيم س عشرة وعشرين وتلاتين، فهنجد إن قيم س بتزيد. وبالنسبة لقيم ص فهنجد إنها اتنين وأربعة وستة، فهنجد أيضًا إن قيم ص بتزيد. وبالتالي في الجدول اللي في الاختيار ب هنجد إن قيم س بتتغير طرديًّا مع ص؛ وبالتالي الجدول اللي في الاختيار ب هيكون مستبعد.

وبالنسبة للجدول اللي في الاختيار ﺟ؛ هنجد إن قيم س خمسة وتلاتة وواحد. فهنجد إن قيم س بتقلّ، وهنجد إن قيم ص ستة وعشرة وتلاتين، فهنجد إن قيم ص بتزيد. وبالتالي هنلاحظ إن س لا تتغير طرديًّا مع ص في الجدول اللي في الاختيار ﺟ؛ وبالتالي الجدول اللي في الاختيار ﺟ هيكون اختيار محتمَل.

بالنسبة للجدول اللي في الاختيار د؛ هنجد إن قيم س اتنين وصفر وسالب اتنين، فهنجد إن قيم س بتقلّ. وهنجد إن قيم ص تمنية وصفر وسالب تمنية، فهنجد أيضًا إن قيم ص بتقلّ. وبما إن قيم س بتقلّ وقيم ص بتقلّ، يبقى س تتغير طرديًّا مع ص في الجدول اللي في الاختيار د؛ وبالتالي الجدول في الاختيار د هيكون مستبعد.

وبالنسبة للجدول اللي في الاختيار ﻫ؛ هنجد إن قيم س اتنين وأربعة وستة، فهنجد إن قيم س بتزيد. وقيم ص هنجد إنها واحد وخمسة من عشرة، وتلاتة، وأربعة وخمسة من عشرة، فهنجد إن قيم ص بتزيد. وبالتالي قيم س بتتغير طرديًّا مع قيم ص في الجدول اللي في الاختيار ﻫ؛ وبالتالي الجدول اللي في الاختيار ﻫ هيكون مستبعد.

ويبقى الجدول الوحيد اللي بيكون فيه س لا تتغير طرديًّا مع ص هو الجدول اللي في الاختيار ﺟ. ويبقى الإجابة هتكون الجدول اللي في الاختيار ﺟ، اللي هو قيم س خمسة وتلاتة وواحد، وقيم ص ستة وعشرة وتلاتين.