فيديو: استنتاج معلومات عن الأنماط التي تتضمَّن رموزًا

أكمل النمط: ٠٫١، ٠٫٨، ١٫٥، _.

٠١:٥٦

‏نسخة الفيديو النصية

أكمل النمط: واحد من عشرة، تمنية من عشرة، واحد ونص، فراغ.

عاوزين نعرف مكان الفراغ ده هنحط إيه، أو هنكمّل النمط إزَّاي. أول عدد في النمط بتاعنا هو واحد من عشرة. واتغير وبقى تمنية من عشرة. فده معناه إنه زاد. طيب هو الزيادة دي قدّ إيه؟ علشان نعرف الزيادة دي، هنطرح الواحد من عشرة من التمنية من عشرة. فامّا نيجي نفكر تمنية من عشرة ناقص واحد من عشرة، هتساوي سبعة من عشرة. فده معناه إن مقدار الزيادة سبعة من عشرة.

وبنفس الطريقة هنلاقي إن التمنية من عشرة زادت سبعة من عشرة فبقت واحد ونص. فامّا نمشي على نفس النمط، هنزوّد الواحد ونص هو كمان سبعة من عشرة. والناتج هيكون هو التكملة الصح للنمط. آدي الواحد ونص على خط الأعداد، هنزوّد عليه سبعة من عشرة. فنعدّ بعد الواحد ونص أو الواحد وخمسة من عشرة: واحد وستة من عشرة، واحد وسبعة من عشرة، واحد وتمنية من عشرة، واحد وتسعة من عشرة، اتنين، اتنين وواحد من عشرة، اتنين واتنين من عشرة. فتبقى الإجابة هي اتنين واتنين من عشرة، اللي نتجت لما زوّدنا سبع أجزاء من عشرة على الواحد ونص.

فتبقى تكملة النمط الصح هي اتنين واتنين من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.