فيديو: خواص المتتابعات الهندسية

يوضح الشكل التالي متجهًا. ما إحداثيات نقطة النهاية؟ ما إحداثيات نقطة البداية؟ ما مركبتا المتجه؟

٠٢:٠٢

‏نسخة الفيديو النصية

يوضح الشكل التالي متجهًا، وفيه تلات أسئلة عايزين نوجد إجابتهم. أول سؤال: ما إحداثيات نقطة النهاية؟ المتجه بيتحدد بنقطتين؛ نقطة بدايته، ونقطة نهايته اللي بتبقى عند رأس سهم المتجه. هنقرا إحداثياتها من على الرسم، هنتحرك رأسي في اتجاه محور السينات علشان نقدر نقرا قيمة السينات اللي هي اتنين، وهنتحرك أفقي في اتجاه محور الصادات عشان نقرا قيمة الصادات اللي هي الواحد؛ يبقى نقطة النهاية إحداثياتها هي الزوج المرتب اتنين وواحد.

السؤال التاني: ما إحداثيات نقطة البداية؟ نقطة البداية هي دي، هنتحرك رأسي في اتجاه محور السينات علشان نعرف قيمة السينات كام هنلاقيها تلاتة، وهنتحرك أفقي في اتجاه محور الصادات علشان نعرف قيمة الصادات اللي هي أربعة؛ يبقى نقطة البداية هي إحداثياتها الزوج المرتب تلاتة وأربعة.

السؤال التالت والأخير: ما مركبتا المتجه؟ أي متجه مركبتيه بتبقى الزوج المرتب الـ س والـ ص، هيساوي نقطة النهاية ناقص نقطة البداية؛ حيث إن إحنا بنعتبر نقطة النهاية دي لها متجه موضع، اللي هو الإحداثيات بتاعتها، اللي هي إحنا أوجدناها اتنين وواحد؛ ونقطة البداية متجه الموضع بتاعها اللي هو قيمة النقطة تلاتة وأربعة؛ يبقى مركبتا المتجه هتبقى اتنين وواحد ناقص التلاتة والأربعة، بنطرح الاتنين ناقص التلاتة، والواحد ناقص الأربعة، يبقى الـ س والـ ص هيساوي اتنين ناقص التلاتة، واحد ناقص أربعة، هيساوي … اتنين ناقص التلاتة يبقى سالب واحد وسالب تلاتة؛ وهي دي مركبتا المتجه ت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.