فيديو: القسمة على ٤

يوضِّح الفيديو طريقة القسمة على ٤ باستعمال النماذج وطرق أخرى.

٠٥:١٠

‏نسخة الفيديو النصية

هنتكلم عن القسمة على أربعة.

هنستعمل النماذج وحقائق الضرب المترابطة، عشان أجيب ناتج القسمة على أربعة. هبتدي الشرح بالمثال التالي. إذا كانت المسافة حوْل شباك منزل، اتناشر قدم. وكل جانب، ليه نفس الطول. فما هو طول الجانب الواحد؟

عشان أجيب طول الجانب الواحد، هجيب ناتج قسمة اتناشر على أربعة. لأن الشباك ليه أربع جوانب. هنستعمل النماذج، وحقائق الضرب المترابطة؛ عشان أجيب الناتج. في البداية هنستعمل النماذج. هقسّم اتناشر قطعة عدّ إلى أربع مجموعات متساوية. هنلاحظ من النموذج إنه في كل مجموعة تلات قطع عدّ. وبكده أقدر أقول إنه اتناشر على أربعة، هيساوي تلاتة. يعني طول كل جنب تلاتة قدم.

هنكمّل في الصفحة اللي جاية. مثال: كتلة بيضة النعامة أربعة كيلوجرام. إذا كان مجموع كتلة البيض في العش، تمنية وعشرين كيلوجرام، فكم عدد البيض في العش؟

عشان أجيب عدد البيض في العش، هجيب ناتج قسمة تمنية وعشرين على أربعة. أو باستعمال رمز القسمة التاني، تمنية وعشرين على أربعة. هنستعمل حقيقة الضرب المترابطة، عشان أجيب الناتج. هفكّر إزاي؟ هقول تمنية وعشرين على أربعة، هيساوي كام؟ إذن أربعة في كام هيساوي تمنية وعشرين؟ هلاحظ إنه حاصل ضرب أربعة في سبعة، هيساوي تمنية وعشرين. وبكده أقدر أقول إنه ناتج قسمة تمنية وعشرين على أربعة، هيساوي سبعة. يعني في العش سبع بيضات.

هنكمّل في الصفحة اللي جاية. مثال: يريد أحمد أن يقسم عشرين جنيه بالتساوي على أربع أشخاص. اكتب جمله عددية تبيّن نصيب كل شخص.

الجملة العددية هي: عشرين على أربعة. أو باستعمال رمز القسمة التاني، عشرين على أربعة. عشان أجيب نصيب كل شخص، هستعمل الطرح المتكرر. هبتدي بالعدد عشرين، وكل مرة هطرح أربعة، لحدّ ما أوصل لصفر. عشرين ناقص أربعة، هيساوي ستاشر. ستاشر ناقص أربعة، هيساوي اتناشر. اتناشر ناقص أربعة، هيساوي تمنية. تمنية ناقص أربعة، هيساوي أربعة. وأربعة ناقص أربعة، هيساوي صفر. يعني هنلاحظ إن إحنا طرحنا العدد أربعة خمس مرات، لحدّ ما وصلنا لصفر.

كمان باستعمال خط الأعداد. هبتدي على خط الأعداد بالعدد عشرين. وهبتدي أرجع كل مرة أربع عدات، لحدّ ما أوصل لصفر. وبكده هلاحظ إنه ناتج قسمة عشرين على أربعة، هيساوي خمسة. أو باستعمال رمز القسمة التاني، عشرين على أربعة، هيكون الناتج خمسة. يعني نصيب كل شخص خمسة جنيه.

هنكمّل في الصفحة اللي جاية. وبكده هنلاحظ إن طرق القسمة هي: النماذج والشبكات، الطرح المتكرر، حقائق الضرب المترابطة. تدريبات: استعمل أيّ من طرق القسمة لإيجاد الناتج. أول سؤال: اتنين وتلاتين على أربعة.

هنستعمل حقائق الضرب المترابطة. هنفكّر اتنين وتلاتين على أربعة هيساوي كام. يعني أربعة في كام هيساوي اتنين وتلاتين. هنفكّر إيه العدد اللي هنضربه في أربعة، عشان يكون ناتج الضرب اتنين وتلاتين. هنلاحظ إنه أربعة في تمنية، هيساوي اتنين وتلاتين. وبكده أقدر أقول إنه ناتج القسمة هو تمنية. يعني اتنين وتلاتين على أربعة، هيساوي تمنية.

سؤال رقم اتنين: تمنية على أربعة. هنستعمل النماذج. هنستعمل تمن قطع عدّ. هبتدي أحطّ في كل عمود أربع قطع. العمود الأولاني أربع قطع، العمود التاني أربع قطع. وبكده هكوّن المجموعات. هلاحظ إنه في كل مجموعة، قطعتين عدّ. يعني أقدر أقول إنه ناتج قسمة تمنية على أربعة، هيساوي اتنين.

سؤال رقم تلاتة: ستاشر على أربعة. هنستعمل الطرح المتكرر. هبتدي بالعدد ستاشر، وكل مرة هطرح أربعة، لحدّ ما أوصل لصفر. ستاشر ناقص أربعة، هيساوي اتناشر. اتناشر ناقص أربعة، هيساوي تمنية. تمنية ناقص أربعة، هيساوي أربعة. وأربعة ناقص أربعة، هيساوي صفر. وبكده هنلاحظ إننا طرحنا العدد أربعة، أربع مرات. يعني أقدر أقول إنه ناتج قسمة ستاشر على أربعة، هيساوي أربعة.

وبكده هنكون اتعلّمنا إزاي نجيب ناتج القسمة على العدد أربعة. وعرفنا كمان إن طرق القسمة هي: النماذج والشبكات، الطرح المتكرر، حقائق الضرب المترابطة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.