تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد إحداثيات صورة مثلث بعد دورانه بزاوية معينة بمعلومية إحداثيات رءوسه

سوزان فائق

إذا كوَّنت النقاط ﺱ (٤، −٢)، ﺹ (٨، −٣)، ﻉ (٥، −٨) مثلثًا، فأوجد صور رءوسه بعد دوران ١٨٠° في اتجاه عقارب الساعة حول نقطة الأصل.

٠١:٥٦

‏نسخة الفيديو النصية

إذا كوَّنت النقاط: س أربعة وسالب اتنين، و ص تمنية وسالب تلاتة، و ع خمسة وسالب تمنية، مثلثًا فاوجد صور رؤوسه بعد دوران مية وتمانين درجة في اتِّجاه عقارب الساعة حول نقطة الأصل.

لو فيه نقطة عندنا زي س كده عايزين ندوَّرها مية وتمانين درجة في اتِّجاه عقارب الساعة، يبقى المفروض إنها هتتنقل من هنا بزاوية مية وتمانين درجة في اتِّجاه عقارب الساعة هتبقى هنا وبالنسبة لنقطة الأصل، بالظبط كأننا بندوَّرها مية وتمانين درجة في عكس اتِّجاه عقارب الساعة، وعند تدوير نقطة لو كانت س و ص بزاوية مية وتمانين درجة عكس اتِّجاه عقارب الساعة حول نقطة الأصل، بنضرب كلا الإحداثيين س و ص في سالب واحد؛ يبقى النقاط س اللي هي أربعة وسالب اتنين، و ص تمنية وسالب تلاتة، و ع خمسة وسالب تمنية، عند الدوران مية وتمانين درجة، وإحنا قلنا إن اتِّجاه عقارب الساعة زيها زي عكس اتِّجاه عقارب الساعة، طالما هي مية وتمانين درجة؛ يبقى الإحداثي السيني والصادي هنضربهم في سالب واحد، فهتبقى النقطة س هتبقى س شرطة، هتبقى سالب أربعة وموجب اتنين، و الـ ص هتبقى ص شرطة، هتبقى سالب تمنية وموجب تلاتة، والـ ع شرطة هتبقى سالب خمسة وموجب تمنية؛ يبقى النقطة الأولى سالب أربعة واتنين، والنقطة التانية سالب تمنية وتلاتة، والنقطة التالتة سالب خمسة وتمنية.

وهي دي صور رؤوس المثلث بعد الدوران.