فيديو: جمع عدد مكوَّن من رقمين ومضاعف ١٠ من خلال إيجاد الأعداد المضافة الناقصة

ما العدد المجهول؟ ٢١ + _ = ٧١.

٠٢:٠٥

‏نسخة الفيديو النصية

ما العدد المجهول؟ يعني إيه العدد اللي المفروض نحطه عند النقط دي؟

طيب هو العدد ده إيه موقعه؟ العدد ده ما بين واحد وعشرين و الواحد وسبعين. إيه التغيير اللي إحنا غيّرناه في الواحد وعشرين علشان يبقى الناتج واحد وسبعين؟

لو جينا نبصّ على خانة الآحاد؛ هنلاقي فيها الواحد وهنا فيها الواحد زيّ ما هو ما تغيّرش، يبقى التغيير حصل في خانة إيه؟ العشرات. خانة العشرات بعد ما كانت اتنين بقت سبعة، بدل ما كانت عشرين، واحد وعشرين، بقت واحد وسبعين، عند السبعين. يبقى زادت كام عشرة؟ نعدّ كده بعد الاتنين: تلاتة أربعة خمسة ستة سبعة. عدّينا من الاتنين للسبعة، كام شرطة؟ واحد اتنين تلاتة أربعة خمسة، يبقى إحنا كده زوّدنا خمس عشرات، خمس عشرات يعني خمسين.

نعملها تاني باستخدام إيدينا؛ عندنا صابعين، آدي الصابعين أهُم؛ واحد اتنين، هنزود عليهم كام عشان يبقى الناتج سبعة؟ نعدّ بعد اللي الاتنين: تلاتة أربعة خمسة ستة سبعة. يبقى إحنا كده زوّدنا على الاتنين كام صابع؟ واحد اتنين تلاتة أربعة خمسة، زوّدنا على الاتنين خمس صوابع؛ علشان الناتج النهائي كله يكون سبع إيه؟ صوابع.

يبقى معنى كده إن إحنا زوّدنا خمسة في خانه العشرات، خمسة في خانة العشرات يعني خمسين؛ فالإجابة هنا هتكون خمسين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.