فيديو: تمثيل الدوال بيانيًّا

أيُّ الدوال التالية مُمثَّلة بيانيًّا بالتمثيل البياني الموضَّح؟ [أ] ص = ٣/٢ س + ٢ [ب] ص = ٢س + ٣/٢ [ج] س = ٣/٢ ص + ٢ [د] ص = ٢/٣ س + ٢ [ﻫ] ص = ٣/٢ س − ٢

٠٣:٠٠

‏نسخة الفيديو النصية

أيُّ الدوال التالية ممثّلةٌ بيانيًّا بالتمثيل البياني الموضّح. أ: ص تساوي اتنين على تلاتة، س؛ زائد اتنين. ب: ص تساوي اتنين س، زائد اتنين على تلاتة. ج: س تساوي اتنين على تلاتة، ص؛ زائد اتنين. د: ص تساوي تلاتة على اتنين، س؛ زائد اتنين. ﻫ: ص تساوي اتنين على تلاتة، س؛ ناقص اتنين.

عشان نعرف أيّ دالة من الاختيارات هي الممثّلة بيانيًّا، محتاجين نقارن الميل والمقطع الصادي في الرسم بالاختيارات. فهنكتب الدالة الممثّلة بيانيًّا على الصورة: ص تساوي م س، زائد ج. حيث م هو ميل التمثيل البياني للدالة، وَ ج هو المقطع الصادي. فهنوجد قيم م وَ ج من الرسم، ونقارنهم بقيمهم في الاختيارات.

الميل أو م بتساوي ص اتنين ناقص ص واحد، على س اتنين ناقص س واحد. يعني الفرق بين الإحداثيات الصادية لنقطتين على التمثيل البياني للدالة، على الفرق بين الإحداثيات السينية للنقطتين.

فلو اعتبرنا إن النقطة الأولى هي: صفر، واتنين؛ والنقطة التانية هي: ستة، وستة. هيبقى الميل بيساوي ص اتنين اللي بتساوي ستة، ناقص ص واحد اللي بتساوي اتنين. على س اتنين اللي بتساوي ستة، ناقص س واحد اللي بتساوي صفر. وده هيساوي … ستة ناقص اتنين بيساوي أربعة، على … ستة ناقص صفر بيساوي ستة. وباستخدام التبسيط الميل هيساوي اتنين على تلاتة.

وبالنسبة لِـ ج، اللي هو المقطع الصادي، فهو بيساوي طول الجزء المقطوع من محور الصادات. يعني طول الجزء من نقطة الأصل وصولًا إلى تقاطع الدالة مع محور الصادات. ومن الشكل الجزء المقطوع بيساوي اتنين.

وبالتالي هتبقى الدالة بتساوي … ص تساوي الميل اللي هو اتنين على تلاتة، في س؛ زائد ج اللي بتساوي اتنين. وبمقارنة اللي وصلنا له بالاختيارات، هتبقى الإجابة الصحيحة هي: الإجابة أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.