فيديو: المقارنة بين الأعداد الكسرية السالبة

أيٌّ من التالي صحيح؟ [أ] − ٩/٥ ١ = − ٦/١ ١ [ب] − ٩/٥ ١ >− ٦/١ ١ [ج] − ٩/٥ ١< − ٦/١ ١

٠٢:٢٧

‏نسخة الفيديو النصية

أيٌّ من التالي صحيح؟ أ: سالب واحد وخمسة على تسعة بيساوي سالب واحد وواحد على ستة. ب: سالب واحد وخمسة على تسعة أكبر من سالب واحد وواحد على ستة. ج: سالب واحد وخمسة على تسعة أقلّ من سالب واحد وواحد على ستة.

علشان نقارن بين العددين الكسريين دول والمقامات عندنا غير متشابهة، فهنحتاج الأول نوجد المضاعف المشترك الأصغر للمقامين التسعة والستة. من جدول ضرب التسعة وجدول ضرب الستة، هنعرف أصغر مضاعف مشترك بينهم. هنلاقي إن التمنتاشر هي بالفعل أصغر مضاعف مشترك بين التسعة وبين الستة. وبكده هيكون المقام المشترك هو التمنتاشر.

في البداية، المقام كان تسعة وبقى تمنتاشر؛ لأننا ضربنا التسعة في اتنين. وزيّ ما ضربنا المقام في اتنين، هنضرب كمان البسط في اتنين. خمسة في اتنين بيساوي عشرة. فهيكون العدد الكسري سالب واحد وعشرة على تمنتاشر هو المكافئ للعدد الكسري الأول. وبنفس الطريقة، عندنا المقام المشترك تمنتاشر. والمقام في البداية كان ستة؛ لأننا ضربناه في تلاتة. وزيّ ما ضربنا المقام في تلاتة، هنضرب كمان البسط في تلاتة. واحد في تلاتة بيساوي تلاتة. فهيكون العدد الكسري سالب واحد وتلاتة على تمنتاشر هو المكافئ للعدد الكسري الأول.

ودلوقتي كده هنقدر نقارن. عندنا العدد الصحيح الموجود في العدد الكسري الأول والعدد الكسري التاني بالسالب، واللي هو سالب واحد. علشان كده لمَّا نقارن البسط في العددين الكسريين دول هيكون البسط الأكبر هو العدد الكسري الأصغر من التاني. يعني لأن العشرة أكبر من التلاتة، فهيكون العدد الكسري اللي فيه البسط عشرة هو الأصغر. بالشكل ده استنتجنا إن العلامة المناسبة هي علامة أصغر من.

وبالتالي هتكون الإجابة الصحيحة هي الاختيار ج: العدد الكسري سالب واحد وخمسة على تسعة أصغر من العدد الكسري سالب واحد وواحد على ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.