فيديو: إيجاد النسبة في أبسط صورة بين أعداد مجموعتين من العناصر

باستخدام الشكل التالي، حدد نسبة عدد المربعات لعدد المثلثات في أبسط صورة.

٠١:٢١

‏نسخة الفيديو النصية

باستخدام الشكل التالي، حدّد نسبة عدد المربعات لعدد المثلثات، في أبسط صورة.

نسبة عدد المربعات لعدد المثلثات، لمّا هنكتبها في صورة كسر، تساوي عدد المربعات على عدد المثلثات، في الشكل اللي عندنا. و من الشكل اللي عندنا، هنلاقي إن عدد المربعات هو تمنية. أمّا عدد المثلثات، فهو عشرة. معنى كده إن هتبقى نسبة عدد المربعات لعدد المثلثات، في الشكل اللي عندنا، تساوي تمنية على عشرة.

لكن الكسر تمنية على عشرة، مش في أبسط صورة. وعلشان نوصّله لأبسط صورة، هنقسم كلّ من البسط والمقام عَ العامل المشترك الأكبر ليهم. والعامل المشترك الأكبر، للعددين تمنية وعشرة، هو اتنين. فهنقسم كلّ من البسط والمقام، على اتنين. ولمّا هنقسم كلّ من البسط والمقام على اتنين، هنلاقي إن نسبة عدد المربعات لعدد المثلثات، تساوي أربعة على خمسة. وهي دي أبسط صورة.

ولمّا هنعبّر عن نسبة عدد المربعات لعدد المثلثات، في صورة تانية من صور النسبة، اللي بنستخدم فيها النقطتين المتعامدتين … هتبقى نسبة عدد المربعات لعدد المثلثات، هي أربعة إلى خمسة. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.