فيديو: امتحان الفزياء للعام السابق • ٢٠١٨/٢٠١٧ • السؤال العاشر ب

امتحان الفزياء للعام السابق • ٢٠١٨/٢٠١٧ • السؤال العاشر ب

٠١:٠١

‏نسخة الفيديو النصية

اذكر نَص قانون أوم.

فأُوم هو عالم كان بيحاول يعرف العلاقة ما بين فرق الجهد، والتيار اللي ماشي في سلك ليه مقاومة معينة. فلمّا كان بيغيّر قيمة فرق الجهد، كان بيقيس قيمة التيار لفرق الجهد ده. مع مراعاة إنه يحافظ على درجة حرارة المقاومة ثابتة. ولمّا رسم البيانات اللي طلّعها من قيم فرق جهد مختلفة وتيارات مختلفة، لقى إن ممكن النقط تتوصّل بخط مستقيم. وده معناه إن ميل الخط هو رقم ثابت. واكتشف إنه بيساوي واحد على قيمة المقاومة.

وبما إن الخط بيعدّي من نقطة الأصل، فده معناه إن معادلة الخط ده، إن فرق الجهد على أيّ سلك بيساوي التيار اللي ماشي في السلك، مضروب في مقاومته. وبالتالي كل ما فرق الجهد على السلك بيزيد، قيمة التيار اللي ماشية فيه بتزيد. يعني نقدر نقول إن بتتناسب شدة التيار المارّ في موصّل تناسُبًا طرديًّا مع فرق الجهد بين طرفيه. وده بيحصل عند ثبوت درجة الحرارة. وده هو نَص قانون أوم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.