فيديو: قسمة الأعداد العشرية

١٨ ÷ ١٥ = _.

٠١:١٨

‏نسخة الفيديو النصية

تمنتاشر على خمستاشر يساوي نقط.

عشان نجيب ناتج قسمة تمنتاشر على خمستاشر؛ هنتّبع الخطوات التالية: الخطوة الأولى هنقسِم واحد على خمستاشر، هيساوي صفر. وبعدين هنقسِم تمنتاشر على خمستاشر؛ تمنتاشر على خمستاشر هيساوي واحد، هنضرب واحد في خمستاشر هيساوي خمستاشر. بعد كده هنطرح تمنتاشر ناقص خمستاشر؛ تمنية ناقص خمسة هيساوي تلاتة، وواحد ناقص واحد هيساوي صفر.

ولأنه ما فيش أعداد تانية جنب التمنية تنزل جنب التلاتة؛ هنضيف الفصلة العشرية في الناتج، وهنضيف صفر جنب التلاتة. دلوقتي أقدر أقسم تلاتين على خمستاشر؛ تلاتين على خمستاشر هيساوي اتنين، هنضرب اتنين في خمستاشر هيساوي تلاتين. بعد كده هنطرح؛ صفر ناقص صفر هيساوي صفر، وتلاتة ناقص تلاتة هيساوي صفر.

يعني أقدر أقول إن ناتج قسمة تمنتاشر على خمستاشر هيساوي واحد واتنين من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.