تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد مجموعة بيانات على مخطط الصندوق

أحمد خليل

أيُّ مجموعة بيانات يمكن أن يُمثِّلها مخطَّط الصندوق وطرفيه الموضَّح؟ [أ] ٧٢، ٧٢، ٧٨، ٨٠، ٧٨، ٧٦، ٧٦، ٧٦ [ب] ٧٨، ٧٢، ٧٨، ٧٦، ٧٦، ٧٢، ٧٦، ٨١ [ج] ٨٠، ٨٠، ٧٨، ٧٢، ٧٦، ٧١، ٧٦، ٧٦ [د] ٧٦، ٧٢، ٧٦، ٧٨، ٧١، ٨٠، ٧٣، ٧٦ [ﻫ] ٧٩، ٧٦، ٧٦، ٧٨، ٧٢، ٧٩، ٨٠، ٧٢

٠٣:٦٠

‏نسخة الفيديو النصية

أيّ مجموعة بيانات يمكن أن يمثّلها مخطّط الصندوق وطرفيه الموضّح؟ وعندنا مجموعة مِ الاختيارات؛ أ: اتنين وسبعين، اتنين وسبعين، تمنية وسبعين، تمانين، تمنية وسبعين، ستة وسبعين، ستة وسبعين، ستة وسبعين. ب: تمنية وسبعين، اتنين وسبعين، تمنية وسبعين، ستة وسبعين، ستة وسبعين، اتنين وسبعين، ستة وسبعين، واحد وتمانين. ج: تمانين، تمانين، تمنية وسبعين، اتنين وسبعين، ستة وسبعين، واحد وسبعين، ستة وسبعين، ستة وسبعين. د: ستة وسبعين، اتنين وسبعين، ستة وسبعين، تمنية وسبعين، واحد وسبعين، تمانين، تلاتة وسبعين، ستة وسبعين. والاختيار الأخير هـ: تسعة وسبعين، ستة وسبعين، ستة وسبعين، تمنية وسبعين، اتنين وسبعين، تسعة وسبعين، تمانين، اتنين وسبعين.

في البداية، لو بصّينا على مخطّط الصندوق، عايزين نفهم إيه هي النقط بالأزرق دي. النقطة اللي على أقصى اليسار بتمثّل القيمة الصغرى، يعني أقلّ قيمة في مجموعة البيانات. أمَّا النقطة اللي على أقصى اليمين، فبتمثّل القيمة العظمى، يعني أكبر قيمة في مجموعة البيانات. النقطة اللي على شمال القيمة العظمى هي الرُّبيع الأعلى. وبعد كده الوسيط، والرُّبيع الأدنى.

ولو بصّينا على الرسم، هنلاقي إن القيمة الصغرى للبيانات دي هي اتنين وسبعين. والقيمة العظمى تمانين. يعني المفروض كل قيم البيانات تنحصر بين اتنين وسبعين وتمانين. في الاختيار التاني ب: هنلاقي عندنا قيمة قيمتها واحد وتمانين. وده مش ممكن يحصل؛ لأن قيم البيانات عندنا من اتنين وسبعين إلى تمانين. يبقى الاختيار ب مرفوض. أمَّا في الاختيار ج، هنلاقي عندنا قيمة واحد وسبعين. ودي قيمة أقلّ من القيمة الصغرى. يبقى الاختيار ده كمان مرفوض. وفي الاختيار د: عندنا أيضًا واحد وسبعين. وده هيخلّي الاختيار ده كمان مرفوض. يبقى إما إن يكون الاختيار أ هو الاختيار الصحيح، أو الاختيار هـ هو الاختيار صحيح. واللي هيحدّد كده هو وسيط مجموعة هذه البيانات. المفروض الوسيط يطلع ستة وسبعين.

هنكتب قيم الاختيار أ بالترتيب التصاعدي: اتنين وسبعين، اتنين وسبعين، ستة وسبعين، ستة وسبعين، ستة وسبعين، تمنية وسبعين، تمنية وسبعين، تمانين. ونكتب قيم الاختيار هـ مترتّبة ترتيب تصاعدي: اتنين وسبعين، اتنين وسبعين، ستة وسبعين، ستة وسبعين، تمنية وسبعين، تسعة وسبعين، تسعة وسبعين، تمانين.

عايزين نجيب الوسيط للقيم أ ولقيم هـ. ولأن عدد قيم الاختيار أ وعدد قيم الاختيار هـ تمنية؛ عدد زوجي، هيبقى الترتيب الوسيط: ن على اتنين، وَ ن على اتنين، زائد واحد، حيث ن هو عدد البيانات. هنعوّض عن قيمة ن بتمنية. يعني تمنية على اتنين، وتمنية على اتنين، زائد واحد. يعني الوسيط هيكون ليه الترتيب الرابع والخامس.

في الاختيار أ، القيم اللي ليها الترتيب الرابع والترتيب الخامس هي ستة وسبعين، وستة وسبعين. يعني معنى كده إن الوسيط هيبقى ستة وسبعين. أمَّا القيم اللي ليها الترتيب الرابع والخامس في هـ، هي ستة وسبعين، وتمنية وسبعين. هنجمع ستة وسبعين زائد تمنية وسبعين، ونقسمهم عَ الاتنين علشان نجيب الوسيط. هتبقى قيمة الوسيط في هذه الحالة سبعة وسبعين. وده مرفوض؛ لأن الوسيط عندنا على الرسم ستة وسبعين.

وهيبقى الاختيار الوحيد، الاختيار الصحيح هو أ. اللي فيه مجموعة البيانات اتنين وسبعين، اتنين وسبعين، تمنية وسبعين، تمانين، تمنية وسبعين، ستة وسبعين، ستة وسبعين، ستة وسبعين.