فيديو: ترتيب الأعداد الكسرية ترتيبًا تنازليًّا

رتِّب الأعداد الموجودة على البطاقات ترتيبًا تنازليًّا. ٥/٢ ١، ٧/٥ ١، ٦/١ ٢، ٨/٥ ١.

٠٣:٠٩

‏نسخة الفيديو النصية

رتِّب الأعداد الموجودة على البطاقات ترتيبًا تنازليًّا. وعندنا مجموعة مِ الأعداد: واحد واتنين على خمسة. واحد وخمسة على سبعة. اتنين وواحد على ستة. واحد وخمسة على تمنية.

ترتيب تنازلي، يعني من القيمة الأكبر إلى القيمة الأقلّ. هنلاحظ إن القيمة الأكبر هي اتنين وسدس؛ لأن اتنين وكسر أكيد هتكون أكبر من واحد وكسر. يبقى عايزين نقارن بين واحد واتنين على خمسة، وواحد وخمسة على سبعة، وواحد وخمسة على تمنية. وعلشان نقارن بينهم، عايزين نجيب المقام المشترك الأصغر لخمسة، وسبعة، وتمنية.

خمسة هي عدد أوّلي. خمسة على خمسة يساوي واحد. وسبعة أيضًا عدد أوّلي مش بيقبل القسمة إلّا على نفسه وعلى الواحد. سبعة على سبعة بيساوي واحد. تمنية عدد زوجي يقبل القسمة على اتنين. تمنية على اتنين يساوي أربعة. أربعة على اتنين يساوي اتنين. واتنين على اتنين بيساوي واحد. خمسة بعد تحليلها تساوي خمسة. سبعة هتساوي سبعة. تمنية هي عبارة عن اتنين، في اتنين، في اتنين. وهيبقى المقام المشترك الأصغر م م أ بيساوي خمسة، في سبعة، في اتنين، في اتنين، في اتنين. وده بيساوي ميتين وتمانين. يعني عايزين نخلّي المقامات كلها ميتين وتمانين.

واحد واتنين على خمسة: عشان نخلّي الخمسة ميتين وتمانين، هنضرب البسط والمقام في ستة وخمسين. هيبقى واحد، والبسط فيه اتنين في ستة وخمسين، وده بيساوي مية واتناشر. والمقام خمسة في الستة وخمسين، وده بيساوي ميتين وتمنية.

نيجي لواحد وخمسة على سبعة. هنضرب البسط والمقام في أربعين؛ علشان نخلّي المقام ميتين وتمانين. أربعين في خمسة في البسط بيساوي عشرين. وهيبقى واحد وخمسة على سبعة بيساوي واحد وميتين على ميتين وتمانين.

واحد وخمسة على تمنية: هنضرب البسط والمقام في خمسة وتلاتين؛ علشان نخلّي المقام هو المقام المشترك الأصغر؛ ميتين وتمانين. ده هيساوي واحد ومية خمسة وسبعين على ميتين وتمانين.

أكبر حاجة في مجموعة الأعداد دي كانت اتنين وواحد على ستة. وبعد كده نقارن ما بين واحد واتنين على خمسة، اللي هي واحد ومية واتناشر على ميتين وتمانين. وواحد وخمسة على سبعة، اللي هي واحد وميتين على ميتين وتمانين. وواحد وخمسة على تمنية، اللي هي واحد ومية خمسة وسبعين على ميتين وتمانين.

أكبرهم واحد وميتين على ميتين وتمانين، اللي هو أصلًا واحد وخمسة على سبعة. وبعد كده واحد ومية خمسة وسبعين على ميتين وتمانين، اللي هو واحد وخمسة على تمنية. وأصغرهم واحد ومية واتناشر على ميتين وتمانين، اللي هو واحد واتنين على خمسة.

وهيبقى الترتيب التنازلي للأعداد الموجودة على البطاقات هو: اتنين وواحد على ستة. واحد وخمسة على سبعة. واحد وخمسة على تمنية. وفي النهاية واحد واتنين على خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.